Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
На запрашэньне “Беларускай ініцыятывы” ў Варшаве выступіць гурт “Крама” У Варшаве створаная новая арганізацыя “Беларуская ініцыятыва”, якая ў гэтыя выходныя ладзіць сваю першую значную акцыю ў польскай сталіцы – канцэрт гурту “Крама”. Канцэрт адбудзецца ў суботу ўвечары ў адным з варшаўскіх клюбаў. У “Беларускую ініцыятыву” ўвайшлі некалькі беларусаў, якія стала жывуць у Варшаве, а таксама студэнты зь Беларусі, якія вучацца ў Варшаве. Усе яны былі раней сябрамі іншых беларускіх арганізацыяў у Польшчы, але ўрэшце вырашылі заснаваць сваю. “Мы папросту знайшлі адно аднаго і зразумелі, што нам будзе лёгка разам працаваць”, кажа Уладзімер Міхневіч – каардынатар “Беларускай ініцыятывы”. Канцэрт гурту “Крама” – першая значная акцыя новай арганізацыі, але, як кажа спадар Міхневіч – арганізацыя канцэртаў гэта толькі адзін з накірункаў дзейнасьці “Беларускай ініцыятывы”. Гаворыць Удлзімер Міхневіч: (Міхневіч: ) “Музыкі – гэта адзін з аспэктаў нашай дзейнасьці, бо мы ўвогуле плянуем дзейнасьць на культурніцкай глебе. Гэта і канцэрты, і адукацыйныя варштаты – у сэнсе грамадзкай супольнасьці, моўных варшатаў. Але галоўнае, што мы будзем рабіць – гэта рэклямаваць Беларусь. Мы хочам зрабіць Беларусі добрае імя”. Праца на карысьць стварэньня гэтага добрага імя пачнецца 11 сьнежня а 18.30 у варшаўскім клюбе “Hybrydy” што на вуліцы Злотэй у цэнтры польскай сталіцы, дзе зайграе знакаміты беларускі гурт “Крама”. Напрыканцы яшчэ адзначу, што “Беларуская ініцыятыва” – гэта ініцыятыва цалкам прыватная. Усе сябры гэтай арганізацыі маюць сталую працу альбо вучацца, а грамадзкімі справамі займаюцца выключна ў вольны час. Паводле Радыё “Свабода”, Аляксей Дзікавіцкі, Варшава 10/12/2004 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
