Bielarus.net › Беларуская Салідарнасьць » Зянон Пазьняк. “Пуцін просіцца ў Беларускую нацыю”

Зянон Пазьняк. “Пуцін просіцца ў Беларускую нацыю”

Клаунада працягваецца. Двох у адной лодцы размаўляюць адзін з адным. Нядаўна кіраўнік маскоўскага Крамля напрасіўся ў Беларускую нацыю. “Увогуле мы – адна нацыя”, — сказаў пры гэтым наш мудрэц адной нібыта грамадзянцы Беларусі. І хто яго ведае, што зь ім цяпер рабіць – просіцца.
Аднак рэчаіснасьць не дазваляе. Калі б, скажам, нехта захацеў, напрыклад, стаць хоць бы афрыканцам, дык і то было б неяк прасьцей. Перафарбаваўся б, сабе на чорна. Хаця ізноў жа – падробка. А тут як быць? Можа, каб не пакрыўдзіць, сказаць яму, хай бы хоць мову беларускую вывучыў напачатку. А так бяз мовы, як расейцы кажуць, “с суконным рылом в калачный ряд”. І потым, калі глянуць у корань, нешта не памятаем мы сярод беларусаў Пуціна. Дастаеўскага, напрыклад, памятаем, Глінку – памятаем, Твардоўскі сам сябе лічыў беларусам, а Пуціна – ніяк не ўпомнім.
Так што ня можам прыняць яго ў Беларускую нацыю. Извините.
У діўны час мы жывем, калі палітыка ператварылася ў эстраду, у цырк, прэзідэнты дзяржаваў, у танцах скачуць перад тэлекамэрамі, трасуцца, мочацца пад фюзеляжам на віду ў іншых палітыкаў,альбо просяцца ў Беларускую нацыю. «Мы», — кажа начальнік маскоўцаў, якія толькі за адно ХХ-е стагоддзе вынішчылі, замардавалі палову беларускай нацыі (каля 6 мільёнаў чалавек), «мы, — кажа Пуцін, — адна нацыя» (з чачэнцамі яны толькі «единый народ»). Брава! Біс! Што яшчэ яны там прыдумаюць.

27/7/2005 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: