Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
За віншаваньне з Днём вайсковай славы - па 4 мільёны штрафу Амаль па 4 мільёны штрафу атрымалі віцебскія сябры БНФ за тое, што віншавалі землякоў з Днём беларускай вайсковай славы. 8-га верасьня чацьвёра віцебскіх актывістаў зладзілі віншавальны пікет на вуліцы Леніна, дзе іх і затрымала міліцыя. Судзьдзя Чыгуначнага раённага суду Натальля Грабянчук, якая перанесла разгляд справы затрыманых 8-га верасьня апазыцыянэраў на сёньняшні дзень, абвясьціла вырак усім удзельнікам віншавальнае акцыі. Віцебскія сябры Кансэрватыўна-Хрысьціянскай Партыі - БНФ Уладзімер Плешчанка ды Аляксандар Салаўян, рэдактар газэты “Выбар” Барыс Хамайда і прадпрымальнік Сяргей Міркушоў атрымалі штрафы па 150 базавых велічыняў (па 3 мільёны 825 тысяч рублёў). Як кажа Барыс Хамайда, судзьдзя Натальля Грабянчук параіла апазыцыянэрам не пагаджацца з такімі прысудамі. (Хамайда: ) “Усё вельмі хутка адбылося. Нас судзьдзя выклікала па адным, і ўсім прысудзіла па 150 базавых. Яна казала “Чаму ж вы не абскарджваеце? Трэба ж лічыцца з абставінамі, умовамі, тое-сёе…” Я кажу: “Пакуль краіна ня вернецца ў канстытуцыйнае поле, ніякіх абскарджваньняў ня будзе!” Гэтая пазыцыя апазыцыянэраў ёсьць прынцыповай. Судовыя выракі яны не аспрэчваюць, хаця кожны з іх, з улікам папярэдніх, мае ўжо па некалькі тысяч даляраў нясплачаных штрафаў. Аднак судзьдзі штораз абвяшчаюць усё новыя грашовыя пакараньні, хаця ім вядома, што спадары Хамайда, Салаўян ды Міркушоў ёсьць беспрацоўнымі, а спадар Плешчанка атрымлівае толькі пэнсію па інваліднасьці, так што сплаціць такія вялікія сумы для іх немагчыма. Паводле RFE/RL, Браніслава Станкевіч, Віцебск 12/9/2005 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
