Bielarus.net › Беларуская Салідарнасьць » Аб рэпрэсіўным заканадаўстве рэжыму

Аб рэпрэсіўным заканадаўстве рэжыму

Ў лістападзе-сьнежні 2005 года нелегітымныя “палаты” і “сэнат” зацьвердзілі папраўкі ў Крымінальны кодэкс. Практычна ў крымінальнае заканадаўства вернуты сталінскі рэпрэсіўны артыкул №58, паводле якога былі рэпрэсаваныя, зьнішчаныя, растраляныя мільёны беларусаў.
Беларусаў зноў хочуць крымінальна перасьледваць за крытыку акупацыйнай улады і незадавальненьне жыцьцём ва ўмовах прамаскоўскага рэжыму.
Вяртаньне да збочанасьці сталінскага заканадаўства — гэта заканамерны вынік разгортваньня антыбеларускай палітыкі. Маскоўска-лубянскія стратэгі рукамі Лукашэнкі, скарыстаўшы ягоны страх перад выбарамі, падрыхтавалі сабе псэўдазаконную падставу для апраўданьня рэпрэсіяў супраць беларусаў у пэрыяд выбараў, а таксама у працяг далейшага вынішчэньня беларускай нацыі.
Гэта лягічнае прадаўжэньне гэбоўскай антычалавечай палітыкі, разьвіцьцё якой прыводзіць да масавага зьнішчэньня людзей, генацыду і калючага дроту.
Але дарэмна спадзяюцца нішчыцелі Беларусі, што ім зноў удасцца стварыць і паўтарыць тое, што зрабілі яны ў 1920-1940-х гг. Беларусы не забыліся пра гэтыя злачынствы і пра тых, хто забіваў народ ў Курапатах. Гісторыя не паўтараецца. Яны яшчэ дрэнна ведаюць беларусаў, калі зьбіраюцца паўтараць свае злачынныя экспэрымэнты над народам. Але беларусы павінны ведаць пра зьмест іхных плянаў, мусяць гуртавацца вакол ідэі вольнай незалежнай Беларусі і рыхтавацца, каб недапусьціць вынішчэньня людзей і зьневажэньня Радзімы.
Вялікі беларускі народ жыў і будзе жыць. Ніякія пляны нішчыцеляў ня спыняць яго сьветлую будучыню і вечнае існаваньне.

Сойм Беларускага Народнага Фронту “Адраджэньне”
і Кансэрватыўна-Хрысьціянскай Партыі – БНФ
11 сьнежня 2005 года

11/12/2005 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: