Bielarus.net › Беларуская Салідарнасьць

Фальшывая пазыцыя

10 сьнежня 2005 г. Нарвэжская газэта “Dagbladet” дае рэпартаж з ратушы нарвэжскай сталіцы Осла, дзе адбылася ўрачыстае ўручэньне Нобэлеўскай прэміі міру.
Прысутнічалі кароль, каралева, кронпрынц, іграла музыка і г.д. Сёлета прэмію міру атрымала МАГАТЭ (міжнародная арганізацыя па атамнай энэргэтыцы з цэнтрам у Вене). Ейныя прадстаўнікі выступалі пра мір, мірны атам і дапамогу чалавецтву. Потым атрымалі залаты мэдаль і 10 мільёнаў нарвэжскіх кронаў.
(Наш камэнтар): Беларусам добра запомнілася гэтая МАГАТЭ і ейныя “экспэрты-атамшчыкі”. З першых дзён Чарнобыльскай катастрофы гэтая прафэсурка мітусілася па нашай зямлі, рабіла замеры, мацала беларускіх дзяцей за лімфавузлы. А потым пачала рабіць заявы па савецкай тэлевізіі і ў газэтах: “Усё ў парадку, таварышы, жыць можна. Радыяцыя нават карысная ў некаторых аспэктах. Нічога надзвычайнага не адбылося…” Склаўся дзікі хаўрус савецка-крамлёўскай і міжнароднай атамнай мафіі. Абедзьве сілы былі зацікаўленыя ў працягу антыгуманнага экспэрымэнту над мільёнамі людзей (якім, ведаючы маштабы трагедыі, гэтыя монстры адмовілі ў адэкватнай дапамозе). Атамная банда працягвае тварыць зло разам з цяперашнім маскоўскім рэжымам і ягоным менскім васалам. Цяпер аказваецца, што гэтак МАГАТЭ “змагаецца за мір”. Іх бы ня ў Осла запрашаць, а везьці пад канвоем у Гаагскі трыбунал або адразу ў Нюрнбэрг. Мабыць, яны лічаць, што экспэрымэнт вядзецца ўдала, што “навука” атрымлівае “каштоўныя дадзеныя”, зьнятыя з шматмільённай папуляцыі атручанай Чарнобылям тэрыторыі. Працэс над гэтымі “барцамі за мір” яшчэ наперадзе. І ня трэба зьдзіўляцца нарвэжскаму камітэту па прысуджэньню прэміі. Многія ўжо заўважылі, што ў нобэлеўскіх камітэтах даўно валадарыць маразм. Прысуджаюць мільённыя прэміі па літаратуры мала каму вядомым пісакам, якія ўславіліся альбо мацюгальнай лексікай альбо скандальнымі паводзінамі (для нашага генія Васіля Быкава прэміі не знайшлося). А што да антычалавечай “навукі”, то нобэлеўскі камітэт мае даўнюю традыцыю. Так, у 1921 г. прэмію па хіміі атрымаў нямецкі “навуковец”, на распрацоўках якога былі створаныя атрутныя баявыя газы, пачынаючы з іпрыта (імі немцы забілі і скалечылі сотні тысячаў людзей падчас Першай сусьветнай вайны). Як гэта яны Леніну, Гітлеру альбо Сталіну не адгрузілі па залатому мэдалю разам з мільённым чэкам?

Юрка Марозаў

13/12/2005 › Актуаліі

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: