Bielarus.net › Беларуская Салідарнасьць » Рэпрэсіі і правакацыі супраць ініцыятыўнай групы Зянона Пазьняка

Рэпрэсіі і правакацыі супраць ініцыятыўнай групы Зянона Пазьняка

7 студзеня ў г. Ліда Уладзімер Хрышчановіч, сябра ініцыятыўнай групы Зянона Пазьняка, зьбіраў подпісы грамадзянаў у падтрымку гэтага прэтэндэнта на пасаду прэзыдэнта Беларусі каля Дома гандлю ў цэнтры горада. А 13:05 да сп. Хрышчановіча падышоў старэйшы лейтэнант міліцыі (дарожна-паставой службы) Гурскі разам з прапаршчыкам ДПС і запатрабаваў прад’явіць дакумэнты.
Сп. Хрышчановіч заявіў, што не парушае правілаў дарожнага руху, але прад’явіў міліцыянтам свой пашпарт і пасьведчаньне сябры ініцыятыўнай групы. Міліцыянты выклікалі па рацыі міліцэйскі нарад. Прыбылі капітан міліцыі Мікалай Рабушка і старшыня міліцыі, які завялі сп. Хрышчановіча ў адзел міліцыі, дзе склалі на сп. Хрышчановіча пратакол па адміністрацыйным парушэньні і правялі допыт. Сп. Хрышчановіч зьвярнуўся з заявай у пракуратуру, пратэстуючы супраць незаконных дзеяньняў міліцыі.
9 студзеня адбыўся інцыдэнт у вёсцы Вароны Віцебскага раёна. А 20:00 у дзьверы дома, дзе пражывае сямья сп. Уладзімера Плешчанкі, сябры ініцыятыўнай групы Зянона Пазьняка, пастукаліся трое невядомых мужчынаў у цывільным. Сп. Плешчанкі не было ў хаце. Невядомыя прадставіліся ягонай жонцы як “работнікі пракуратуры”. Калі яна адмовілася адчыняць дзьверы, невядомыя паспрабавалі зламаць дзьверы. Ня здолеўшы зламаць дзьверы, яны сышлі.
Уладзімер Хрышчановіч і Уладзімер Плешчанка – сябры Сойму Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ, актыўныя дзеячы змаганьня за незалежную дэмакратычную Беларусь. Не выпадкова, што менавіта супраць гэтых людзёй правакатары ў міліцэйскай форме і ў цывільным ужываюць тактыку пагрозаў і застрашэньня. Рэжым спрабуе брутальнымі рэпрэсіямі перашкодзіць працы ініцыятыўнай групы Зянона Пазьняка. Зразумела, чыёй перамогі баіцца антыбеларуская ўлада.

Інфармацыйная камісія Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ
9 студзеня 2006 г.

15/1/2006 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: