Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Як заўсёды, у драматычныя дні наш народ атрымаў падтрымку ад польскага народу. Беларускі народ перажывае драматычны пэрыяд сваёй гісторыі. У чарговы раз рэжым Лукашэнкі імкнецца растаптаць Канстытуцыю і Закон, каб працягнуць палітыку зьнішчэньня нашай краіны і народу. Імпэрыялістычная Масква кіруе гэтай антыбеларускай палітыкай, выкарыстоўваючы групу здраднікаў і агентуры КГБ-ФСБ дзеля дасягненьня сваёй мэты – аднаўленьня расёйскай імпэрыі ў былых межах. Пасьля сфальшаваных прэзыдэнцкіх выбараў наш народ, аднак, устаў на абарону Канстытуцыі і дзяржаўнай незалежнасьці. Распачаўся новы этап нашага нацыянальнага змаганьня супраць прамаскоўскай дыктатуры. У авангардзе мы бачым нашу цудоўную і мужную моладзь, якая ўступіла ў барацьбу пад нацыянальным Бел-Чырвона-Белым Сьцягам. Новае пакаленьне Беларусаў не прымае расейскай імпэрскай залежнасьці і бароніць беларускую культуру, мову, нашу незалежную дзяржаву. Як заўсёды, у драматычныя дні наш народ атрымаў падтрымку ад польскага народу. Палітыкі, журналісты, прадстаўнікі гуманітарных арганізацыяў, простыя палякі словам і справай падтрымалі беларускіх патрыётаў. Канцэрты, канфэрэнцыі, маніфэстацыі салідарнасьці адбываліся ў Польшчы пад нашым нацыянальным Бел-Чырвона-Белым Сьцягам, забароненым прамаскоўскім рэжымам. Менавіта польскія дэпутаты найбольш актыўна выступілі ў Эўрапейскім Парляманце, патрабуючы падтрымкі нашага народу ў змаганьні, а таксама непрызнаньня сфальшаваных выбараў і ўвядзеньня санкцыяў супраць рэжыму Лукашэнкі. Польскія дэпутаты выступілі пад Бел-Чырвона-Белым Сьцягам, гэта ёсьць цудоўны сымбаль салідарнасьці. Палякі былі разам з намі на акцыях пратэсту ў Менску, падчас рэпрэсіяў і ў турмах дыктатуры. Дзякуем нашых добрых суседзяў і сяброў. Наш народ заўсёды будзе памятаць салідарнасьць польскага народу пад гістарычным лёзунгам “За Нашу і Вашу Свабоду!” Мы ўпэўненыя, што Беларусь скіне ярмо акупацыйнага рэжыму і вернецца ў сямью эўрапейскіх народаў. Сойм Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ 11/4/2006 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
