Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
1 траўня 2006 г. Нямецкая газэта “Der Spiegel“ піша пра выступ міністра абароны Польшчы Радэка Сікорскага ў Брусэлі. Міністар заявіў, што апошняя нямецка-расейская дамова аб пабудове газаправоду пад вадой Балтыйскага мора ў абыход Польшчы нагадвае палітычныя дамоўленасьці з часу перад Другой сусьветнай вайной, калі з Польшчай не лічыліся. “Мы вельмі адчувальныя да справы калідораў і калі Усход Эўропы трактуюць інакш, чым Захад. – сказаў Сікорскі. – Гэта нагадвае Лакарна і пакт Молатава-Рыбэнтропа. Гэта 20-е стагоддзе”. Міністар згадаў, што канцлерка Мэркель запрапанавала Польшчы кансультацыі па газаправодзе, але папярэдзіла, што немцы ня будуць нічога мяняць у праекце. Сікорскі адрэагаваў на гэта: “Спачатку прымаюць рашэньне, а потым прапануюць кансультацыі. Не такое ў нас ўяўленьне аб эўрапейскай салідарнасьці. Мы зьдзіўлены, што Нямеччына йдзе на справу, якая азначае страты для нямецкага насельніцтва (менавіта Нямеччына аплочвае шэсьць мільярдаў эўра на пабудову газаправоду), а з другога боку гэтая справа гэапалітычна накіравана супраць Польшчы”. Газэта згадвае, што гэтае пагадненьне распрацавалі і падпісалі яшчэ Пуцін і Шродэр. Апошні будзе цяпер кіраваць новай газавай структурай. Міністар Сікорскі выказаў пратэст супраць таго, што Нямеччына, падтрымліваючы расейскі інтэрэс, адсоўвае ад энэргетычнага забеспячэньня Польшчу і Беларусь. Наш камэнтар: Даведаўшыся пра апошні пакт Мэркель-Пуціна, заключаны ў сібірскім Томску, беларускія патрыёты прышлі да высновы, што з усяе эўрапейскай кампаніі толькі Польшча будзе бараніцца ад драпежніцкага хаўрусу маскоўцаў-бэрлінцаў. Мы не памыліліся. Пакуль астатнія камфортна сьпяць у шапку, менавіта польскія палітыкі займаюць пазыцыю абароны нацыянальных інтарэсаў і робяць адэкватныя ацэнкі і заявы. Уяўляем сабе, як зашыкаюць на патрыёта Сікорскага даўно скупленыя Масквой эўрабюракраты. Валеры Буйвал , Інфармацыйная камісія КХП-БНФ 4/5/2006 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
