Bielarus.net › Беларуская Салідарнасьць » Канфлікт хаўрусьнікаў на фоне антыбеларускіх рэпрэсіяў

Канфлікт хаўрусьнікаў на фоне антыбеларускіх рэпрэсіяў

(Інфармацыя Сойму БНФ)

Канфліктная сітуацыя, якая разыгрываецца цяпер паміж антыбеларускім рэжымам у Беларусі і лубянскай уладай у Маскве, ёсьць адлюстраваньнем узмацненьня расейскай палітычнай агрэсіі супраць Беларусі. Крамлёўская ўлада дэманструе здольнасьць ісьці напралом.
Такім чынам элемэнт гульні і фальшывасьць Лукашэнкі відавочныя. Пагражаючы расейцам зрывам іхных плянаў, рэжым Лукашэнкі раскручвае адначасна масавы перасьлед і рэпрэсіі супраць беларускай моладзі. Рэжым цяпер ня толькі працягвае, але і ўзмацняе палітыку этнацыду. Гэта якраз сьведчыць пра рэальны зьмест рэжымных дзеяньняў і пра рэальныя ягоныя пляны.
Адбываецца жорсткае супроцьстаяньне ў лягеры антыбеларускіх саюзьнікаў. Гэта барацьба за ўласныя прыярытэты і за ўласныя мафійныя інтарэсы. Лукашэнка не змагаецца за беларускі народ, за Беларусь і за сувэрэнітэт. Калі б гэта была рэальная незалежніцкая палітыка, то павінны б былі зьнікнуць антыбеларускія рэпрэсіі. Фальшывасьць рэжымнай рыторыкі відавочная.
Аднак канфлікт паміж Масквой і яе сатрапам раэльны. Скончыцца ён кампрамісным рашэньнем па коштах газу, пагаршэньнем умоваў для беларусаў і далейшым супольным зьнішчэньнем жыцьцёвасьці беларускай нацыі.
Тэарэтычна існуе варыянт перарастаньня супроцьстаяньня хаўрусьнікаў у жорсткія дзеяньні, у якія ўцягнуць беларускае грамадзтва. Але беларусы павінны памятаць прапісаныя ісьціны: першасным і галоўным заўсёды ёсьць незалежнасьць, сувэрэнітэт і свабода Беларусі, а потым ужо лёс сатрапаў і ўсё астатняе. Прыватны канфлікт паміж Лукашэнкам і Масквой не павінен падзяляць наша грамадзтва. Абарона незалежнасьці і адзінства супраць імпэрыялізму Расеі аўтаматычна вылучыць потым антыбеларускі рэжым ва ўнутраную праблему і гэтая праблема будзе вырашана тады самымі беларусамі бяз удзелу Масквы (і Брусэля).
Спыніць масавыя рэпрэсіі супраць беларускай моладзі і беспрычынныя арышты маладых беларусаў – галоўная задача бягучага моманту.

Сойм Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ
8 кастрычніка 2006 г.
Менск

8/10/2006 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: