Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Аб супрацьдзеяньні разбуральнай дзейнасьці на Беларусі рускага дзяржаўнага фашызму (Заява) Руская палітыка і рускае грамадзтва ўсё больш набываюць рысы фашызму тыповага нямецкага ўзору 30-х гадоў мінулага стагоддзя.Кілерскі і міжнародны тэрарызм, забойствы палітыкаў і журналістаў, этнічныя чысткі, расьпярэзаная ксэнафобія і правакацыі, цэнтралізацыя бяспраўя і карупцыі, стварэньне прафашысцкіх групаў і арганізацыяў, пэрманэнтны крымінал, рост агрэсіі і шавіністычных настрояў у палітыцы і штодзённым жыцьці – ўсё гэта характарызуе цяперашняе рускае грамадзтва і палітыку, сьведчыць аб эвалюцыі расейскага гэбізму ў агрэсіўную форму нацысцкай дзяржавы. Сімптаматычна, што з фашызмам у Расеі ніхто сур’ёзна не змагаецца, разумеючы, што яго пакрывае ўлада. Рускі фашызм і рускі імпэрыялізм уяўляюць непасрэдную небясьпеку для Беларусі з прычыны адчыненасьці межаў і антыбеларускай палітыкі прамаскоўскага рэжыму Лукашэнкі. У існуючых абставінах палітыка русіфікацыі, якая інсьпіруецца з Масквы, зьяўляецца тыповай праявай фашысцкай палітыкі, якая карэлюецца ў рускім вялікадзяржаўным шавінізмам. Беларускае грамадзтва мусіць супроцьдзеяць гэтай палітыцы, перш за ўсё, шляхам пашаны і абароны сваёй беларускай мовы. Беларуская мова ёсьць для беларусаў у гэтых абставінах галоўным чыньнікам культуры і галоўным натуральным гарантам незалежнасьці Беларусі. Сойм прапануе Ўправе і Паліткамітэту пры Сойме БНФ падрыхтаваць шэраг тэкстаў і прапановаў па абароне беларускай мовы і па супрацьдзеяньню русіфікацыі шляхам культурнамоўнай кансалідацыі беларускага грамадзтва. Сойм Кансэрватыўна-Хрысьціянскай Партыі – БНФ 10 сьнежня 2006 г., г. Менск 10/12/2006 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
