Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Да восеньскіх Дзядоў талокі ў Курапатах будуць ладзіцца штосуботы У Курапатах сёньня адбылася традыцыйная талака, якая ладзіцца сябрамі Кансэрватыўна-Хрысьціянскай Партыі - БНФ. Але ў прыборцы тэрыторыі мэмарыялу бяруць удзел ня толькі партыйныя актывісты. Акцыя будзе працягвацца да восеньскіх Дзядоў. Сёньня ў Курапатах пабываў наш карэспандэнт. Напярэдадні дня памяці продкаў Радаўніцы ў Курапаты прыйшлі грамадзкія актывісты. Людзі прыбіралі й палілі зімовае сьмецьце каля памятнага каменя. Кіраваў талакой сакратар управы Кансэрватыўна-Хрысьціянская Партыя - БНФ Алесь Чахольскі: Чахольскі: “Сёньня дзень перад Радаўніцай. У гэты дзень традыцыйна прыходзяць на могілкі, ушаноўваюць сваіх продкаў – дзядоў, бацькоў. Нашая партыя пачала традыцыйныя суботнія талокі. Прыйшлі маладыя людзі, сябры партыі, прыхільнікі. Пасьля абеду прыйдуць людзі, якія сёньня працуюць. Заўважце, мы стаім на гэтым месцы, колькі гадоў тут ужо прыбіраюць, і паміж тымі ўчасткамі, да якіх мы яшчэ не дайшлі, і паміж прыбранымі адчуваецца, што месца ўпарадкавана”. Прыбіраць тэрыторыю мэмарыялу прыйшлі й зусім маладыя людзі. Я паразмаўляў з падлеткамі Надзеяй і Ўладзімерам: Надзея: “Я бяру ўдзел у талацэ ўжо другі год. Мы тут прыбіраем кожную суботу. Я лічу, што гэта наш абавязак перад Радзімай, захоўваць гэтае сьвятое месца ў чысьціні. І ня толькі напярэдадні Радаўніцы”. Уладзімер: “Мы гэта робім, таму што месцы расстрэлаў савецкіх часоў павінны быць вызначаныя, беларусы павінны памятаць гэтыя месцы. Гэта гістарычная праца. Мы павінны перадаць гэтую памяць у спадчыну нашым дзецям”. Прыбіралі тэрыторыю мэмарыялу і маладыя, і пажылыя. У асноўным гэта людзі неабыякавыя да гісторыі. Гаворыць удзельнік талакі Алесь: Алесь: “Я думаю, што гэта вельмі важнае месца. І кожны, хто трапляе сюды, прасякаецца духам, які дазваляе сюды вяртацца і рабіць стваральную працу. Добраўпарадкаваньне гэтага незвычайнага месца і ёсьць стваральнай працай”. Паводле радыё Свабода, Альгерд Невяроўскі, Менск ===== Штосуботнія талокі ў Курапатах будуць працягвацца да восеньскіх Дзядоў. Пачатак талакі прыкладна ў 11:00 (звычайна праца да 15:00). З сабой пажадана мець рыштунак і працоўнае адзеньне. БС 14/4/2007 › Навіны, Курапаты |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
