Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
(Чэрвеньскі Сойм Беларускага Народнага Фронту “Адраджэньне” Першым чынам дазвольце ўсім Вам сардэчна падзякаваць за актыўны ўдзел сяброў Фронту і ўсёй нашай Партыі ў адзначэньні 20-й гадавіны адкрыцьця Курапатаў – трагічнай падзеі і сакральнага месца нашай цяжкай гісторыі. Беларускія Адраджэнцы зноў, у каторы раз, уратавалі гонар беларусаў. Бо, заўважце: некаторыя людзі, якія жывучы ў Беларусі, бясконца зьневажаюць нашу змагарную гісторыю Фронта, замест таго, каб ушанаваць памяць Курапатаў, арганізавалі ў гэты час у Варшаве прыдуманую канфэрэнцыю па абсалютна пустой і надуманай тэме. Усё, каб скарыстаць гранцік, пабалбатаць аб выбарах ды правах бесталковага чалавека. Курапацкая трагедыя для іх – толькі рыторыка. Ведаем мы гэтых арганізатараў і спонсараў “тырычэлевай пустаты” і чаму гэта робіцца ў гэты час. Але мы бачым, што ўсё, што робіцца добрага ў змаганьні на Беларусі, — робіцца бязь іх. Мы павінны распачаць ужо нашу працу па няўдзелу людзей у восеньскіх выбарах. Становішча ўжо даўно такое, што выбаршчыкі, галасуючы, абсалютна ня ў стане ўплываць на вынікі выбараў. Грамадзтва адлучанае ад выбарчай сістэмы. Адзінае, чаго ня можа пракантраляваць рэжым – гэта байкоту. Мы мусім усьведаміць, што байкот – гэта барацьба з палітычнай сістэмай (гэта ня проста выбарчая акцыя). За часы сталінізму непрыход на выбары разглядаўся як антысавецкі дэмарш і караўся. Мы бачым таксама, што адзінае, чаго баіцца рэжым, арганізуючы выбарчы спэктакль, — гэта байкоту. Яны баяцца стаць статыстамі пагарэлага тэатру, калі на відовішча ня прыйдзе глядач. Гэтую іхную боязь яны адлюстравалі нават у сваім заканадаўстве. Неабходна ўлічваць, што вельмі шмат людзей ня вераць у справядлівыя вынікі выбараў і ў тое, што нешта залежыць ад іхнага галасаваньня. Але калі ня будзе ніякой прапаганды байкоту, ніякага растлумачэньня і ніякой сілы, на якую яны маглі б ня тое што абаперціся, але хоць бы спаслацца, калі нічога такога ня будзе, — то яны пойдуць на выбары проста ад страху, ад дэзарыентацыі. Урэшце іх загоняць на галасаваньне. Таму праца неабходная. … Зянон Пазьняк 17/6/2008 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
