Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Увага! “Канфідэцыйная інфармацыя” – новыя мэтады фальсіфікацыі Уласна кажучы, мэтады ня новыя, але рэжым, баючыся байкоту, пачаў татальна іх выкарыстоўваць. Высьветлілася, што на ўсіх участках (дзе ўдалося даведацца) колькасьць выбаршчыкаў моцна заніжана па параўнаньні зь мінулымі выбарамі ( у сярэднім у сьпісах не хапае 300-400 выбаршчыкаў). Асэнсаваных тлумачэняў у камісіях гэтаму факту атрымаць не ўдалося. Ва ўсіх астатніх участковых камісіях, куды зьвярталіся, адмовіліся даваць зьвесткі пра колькасьць выбаршчыкаў і пра колькасьць атрыманых у камісіях бюлетэняў. Тады мы зьвярнуліся ў Цэнтральную выбарчую камісію (па тэлефоне) да сакратара камісіі сп. Лазавіка М.І. Паведамілі яму прыклады незаконных дзеяньнях камісіяў на ўчастаку № 642 выбарчай акругі № 109 г. Менска, і на ўчастаку №4 Дзяржынскай выбарчай акругі № 65. А ён і кажа, што адказу быць ня можа, бо інфармацыя пра колькасьць выбаршчыкаў на ўчастку і пра выбарчыя бюлетэні – гэта ўсё “канфідэцыйная інфармацыя”, закрытага кшталту. На пісьмовы запыт у ЦВК па гэтым пытаньні адказ атрымалі не па сутнасьці запыту, а, як адпіску, без прыняцьця адпаведных мераў для выпраўленьня парушэньня заканадаўства. Засакрэчанасьць зьвестак пра колькасьць выбаршчыкаў на ўчастку дае вялікія магчымасьці для шырокай і грубай фальсіфікацыі. Фактычна галасаваньне адбываецца ў сьляпую і выбаршчык трактуецца тут у ролі падвопытнага аб’екта, дзеля маніпуляцыі. Ісьці галасаваць у такіх умовах, значыць цалкам не паважаць сябе. Не выпадкова на рэжымнае галасаваньне людзей прымушаюць ісьці і нават завозяць аўтобусамі з прадпрыемстваў. Асабліва брутальныя паводзіны адміністрацыяў вышэйшых навучальных установаў. Студэнтаў, якія жывуць у інтэрнатах, татальна прымушаюць ісьці галасаваць на так званае “папярэдняе галасаваньне” з пагрозай высяленьня пры непадпарадкаваньні. 27 верасьня 2008. 27/9/2008 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
