Віншаваньне з Новым Годам

Дарагія землякі, фронтаўцы, паважаныя беларусы.
Віншую Вас з надыходзячым Новым годам! Настае 2010-ты. Ужо мінула дзевяць гадоў ХХІ стагоддзя, адбылося ў сьвеце шмат пераменаў да лепшага. Толькі ў лепшай для нас краіне нібы спынілася плынь часу. Год за годам – адзін твар, год за годам – адно і тое, год за годам на Новы год мы зычым адзін аднаму шчасьця, свабоды і лепшае долі, але яны спазьняюцца, бо кожны на сьвеце хоча іх мець у доме ня госьцем, і трэба за іх змагацца.
У Новым годзе падрыхтуйма наш дом да іхняга прыходу. Няхай стане ён чыстым і сьветлым, і сьвежы вецер хай вее за яго вакном.
Шануйма яго ў сэрцы сваім, бо шчасьце ёсьць толькі на Бацькаўшчыне. Беражэм яго, бо свабода для нас можа быць толькі ў нашай краіне. Любем яго, бо няма долі без Беларусі.

Шчыра зь любовяй
Зянон ПАЗЬНЯК
31 сьнежня 2009 г.

31/12/2009 › Навіны

Нью-Ёрк. Прэзэнтацыя кніжкі “Парсіваль”

(Аб’ява)

20 сьнежня, ў нядзелю, ў Грамадзкай залі Беларускай царквы на Атлянтык эвэню, 401 у Брукліне адбудзецца прэзэнтацыя кніжкі “Парсіваль”, выдадзенай у выдавецтве “Беларускія Ведамасьці” Зянонам Пазьняком. Пачатак а 13-й гадзіне. Можна будзе набыць кніжку і часопіс “Беларускія Ведамасьці”, пасьвечаны Дню Незалежнасьці.

– Інфармацыя —

18/12/2009 › Навіны

Спачуваньні

Сябры Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ выказваюць шчырыя спачуваньні адказнаму сакратару Управы Фронту і Партыі сп. Алесю Чахольскаму ў сувязі з напаткаўшым яго горам – сьмерцю МАЦІ.

17 сьнежня 2009 г.
ххххххххххххххххххххххххххххххххххххххх

Выказваю маё шчырае спачуваньне Алесю Чахольскаму ў сувязі са сьмерцю Маці. Дарагі Алесь, разумею горыч Твёй утраты найдаражэйшага і найбліжэйшага табе чалавека на гэтай зямлі. Дай Бог табе сілы перанесьці гэтую ўтрату па хрысьціянску, а маці тваёй хай будзе Царства нябеснае яе душы і вечны спакой.

З падтрымкай Зянон Пазьняк
17 сьнежня 2009 г.
Нью-Ёрк.

17/12/2009 › Навіны

Зянон Пазьняк: ЗЬМЕСТ ПРАПАГАНДЫ І СУТНАСЬЦЬ ПАДЗЕЙ

(Выступ на сьнежаньскім Сойме
Кансэрватыўна-Хрысьціянскай Партыі – БНФ
і Беларускага Народнага Фронту “Адраджэньне”. (Скарочана)

Перамены, якія адбываюцца ў расстаноўцы рэжымных сілаў пасьля ўтварэньня “Усходняга партнёрства”, паказваюць, што па структурнай арганізацыі, кадравым разьмеркаваньні і дзеяньнях гэтая палітыка робіцца ўсё больш безадноснай, адасобленай ад нацыянальных інтарэсаў Беларусі і ад рэальнага змаганьня з рэжымам увогуле.

14/12/2009 › Навіны

Узурпатар здае народную маёмасьць маскоўцам

(Сьнежаньскі Сойм Беларускага Народнага Фронту “Адраджэньне” i Кансэрватыўна-Хрысьціянскай Партыі – БНФ)

13 сьнежня сёлета ў Менску адбыўся чарговы Сойм Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ.

14/12/2009 › Навіны

Зянон Пазьняк: Я разумеў, што творыцца містэрыя

(Інтэрв’ю С. Навумчыка 28.10.2009)

29 кастрычніка 1989 году тысячы людзей прайшлі ад Усходніх могілак да Курапатаў, дзе правялі мітынг-рэквіем і ўсталявалі першы крыж. Пра падзеі таго дня ўзгадвае першаадкрывальнік Курапатаў Зянон Пазьняк.

4/12/2009 › Навіны

Сяргей Навумчык: Памяць і забыцьцё Курапатаў

Дваццаць гадоў таму, на Дзяды, 29 кастрычніка 1989 г., тысячы людзей, выцягнуўшыся ў ланцуг на некалькі кілямэтраў, ішлі да Курапатаў. Наперадзе калёны несьлі сямімэтровы крыж.

4/12/2009 › Навіны