Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
На працягу ўсяго сакавіка ў Маскве і па ўсёй Расеі адбываліся выступы і дыскусіі на тэму Сталіна і 65-й гадавіны перамогі над гітлерскай Нямеччынай. Сярод іншых формаў сталіншчыны расейскае начальства зьбіралася “упрыгожыць” вуліцы Масквы (а як разумеем, потым да сталіцы далучыліся б жук і жаба) вялізнымі плакатамі з выявай Сталіна і надпісамі пра ягоную геніальнасьць у вайне. Асабліва надрываўся ў сталінскім экстазе мэр Масквы Лужкоў. Казаў, што ён “за праўду пра вайну” і г.д. Рэакцыя разумных людзей на гэты праект была адназначна адмоўнай. Масква рызыкавала выставіцца перад усім сьветам у вельмі непрывабным сьвятле. Прайшла інфармацыя, што праект адмянілі і Сталіна на 9 траўня ня будзе. Але сталіністы не здаюцца. Гэтым разам сьцяг Джугашвілі падняў над сабой расейскі Савет вэтэранаў і ягоны старшыня Уладзімір Далгіх. Былы сакратар ЦК КПСС Далгіх патрабуе праз выявы Сталіна выказаць “гістарычную праўду эпізодаў вайны” і спыніць “інсінуацыі”. Зразумела, што тав. Далгіх ня сам да гэтага дадумаўся. Яму настойліва падказалі падняць вэрхал вакол асобы крамлёўскага тырана. Цяперашняя імпэрыя ня можа існаваць без гэтага ідала, зямля ляціць з-пад яе ног. Яны ня могуць ніякім чынам прызнаць, што немцаў перамаглі простыя жаўнеры і работнікі тылу якраз насуперак канібальскай “геніяльнасьці” псіхічна хворага гаспадара Крамля і ягонай крымінальнай хунты. Але зьдзіўляцца тут няма чаму. Успамінаецца жнівень 1991 года. Я якраз быў у Маскве пасьля праваленага савецкага путча. Сярод іншага запомніліся крыкі і шум, што даносіліся з рэпрадуктараў на вуліцах імпэрскай сталіцы. Гэта ішлі публічныя разборы з асобамі і арганізацыямі, якія падтрымалі путчыстаў. Агульнасаюзны Савет вэтэранаў адназначна падтрымаў быў путчыстаў з першых імгненьняў путча. Вэтэранскія дзеячыкі нешта бляялі пад цяжарам абвінавачваньняў у антынароднай дзейнасьці, баяліся, што іх сапраўды пакараюць. Паўсюль міліцыя разганяла іхныя “клубы” і апячатвала іхныя памяшканьні. Але “руская рэвалюцыя” праявіла “гуманнасьць”. У даволі хуткім часе клубы адкрыліся зноў, там зноў заселі смершаўцы, палітрукі, тылавыя героі ды іншая набрыдзь, якую ненавідзелі сапраўдныя франтавыя жаўнеры. І ўсё стала як было. Вядома, якую рэакцыйную ролю адыгрываюць гэтыя арганізацыі ў сацыяльным жыцьці. І ўсё гэта на фоне галечы і бяспраўя тысячаў шэраговых вэтэранаў вайны, аб якіх яны не клапоцяцца. Начальнікам карціць паваяваць за Сталіна. Янка Базыль 1/4/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
