Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“Малдова вызваляецца ад чырвонай заразы” Камуністычная партыя Малдовы паспрабавала 30 чэрвеня арганізаваць адхіленьне ад улады выканаўцу абавязкаў прэзыдэнта краіны Міхая Гімпу і ўрадавую кааліцыю (куды не дапусьцілі камуністаў). Назіральнікі мяркуюць, што агрэсіўныя дзеяньні ў парляманце ёсьць адказам камуны на нядаўні прэзыдэнцкі ўказ Гімпу. Паводле гэтага ўказу, 28 чэрвеня абвешчаны Днём савецкай акупацыі, жалобным днём у календары краіны. У гэты дзень па ўсёй Малдове адбыліся мэмарыяльныя мерапрыемствы ў памяць аб ахвярах маскоўскай акупацыі 1940-91 гадоў, у выніку якой загінулі і пацярпелі ад рэпрэсіяў і голаду некалькі мільёнаў людзей. Пачалася акупацыя 28 чэрвеня 1940 года, калі ў Бэсарабію (рэгіён Румыніі) уступілі савецкія войскі-“освободітелі”. Пачаліся працэсы генацыду, русіфікацыі, камунізацыі, разбурэньня нацыянальнай культуры, зьнішчэньне эліты народу (як і ва ўсіх краінах, акупаваных Масквой). Сёньняшняя Масква ажно захлынулася ад гневу на малдаўскі народ і ягонага прэзыдэнта. Імпэрыя аддала загад сваім кліентам у Кішынёве нарабіць шуму. Яны і нарабілі ды няўдала. На галасаваньні яны сабралі толькі 44 галасы разам з прамаскоўскай партыяй “Едіная Молдова” (на 101 дэпутата парляманту). У выніку пытаньне нават не было пастаўлена на парадак дня. Абедзьве прамаскоўскія фракцыі дэманстрацыйна пакінулі залю паседжаньняў. Здавалася, што яшчэ зусім нядаўна ў Малдове трывала і ўпэўнена трымаліся камуністы з прэзыдэнтам краіны Вароніным. Яны давялі Малдову да глыбокага эканамічнага і сацыяльнага крызісу. І вось у красавіку 2009 года тысячы маладых малдаванаў ўзялі штурмам прэзыдэнцкі палац, будынкі парляманту і штаб-кватэру кампартыі, дзе моладзь нішчыла бюсты і партрэты Леніна і камуністычныя сымвалы. Камуністычная хунта кінула на моладзь паліцэйшчыну. Некалькі юнакоў былі забітыя, дзясяткі паранены. Але антыкамуністычны ўздым моладзі не прайшоў бяссьледна. Зрушылася ўся краіна. Нянавісьць да скарумпаваных васалаў Масквы была настолькі моцная, што іх пацясьнілі ад улады ўжо праз некалькі месяцаў пасьля драматычных красавіцкіх падзеяў. Цяпер адбываецца сьледства па справе тых, хто зьбіваў і катаваў маладых людзей у красавіку 2009 года. Арыштаваны вышэйшыя афіцэры паліцыі і спэцслужбаў і найбольш садыстычныя малодшыя чыны. Некаторыя зь іх пасьпелі ўцячы ў Расею. У Малдове рыхтуецца прэзыдэнцкі ўказ аб забароне кампартыі, камуністычнай ідэалогіі і камуністычных (разам з фашыстоўскімі) сымваляў. Малдова вызваляецца ад чырвонай заразы. Валеры Буйвал 6/7/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
