Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
АБ ПАЛІТЫЧНЫМ І НАЦЫЯНАЛЬНЫМ ПЕРАСЬЛЕДЗЕ СЯРГЕЯ КАВАЛЕНКІ Антыбеларускі рэжым вось ужо паўгода, груба парушаючы закон, жорстка перасьледуе па палітычных прычынах братоў Сяргея і Віталя Каываленкаў зь Віцебска за іх прыхільнасьць да беларускай культуры і да Беларускага Нацыянальнага Дзяржаўнага Сьцяга Рэспублікі Беларусь, зацьверджанага Вярхоўным Саветам 19-га верасьня 1991 года, тым Вярхоўным Саветам, які сцьвердзіў незалежнасьць краіны. 7-га студзеня 2010 года сябра Кансэрватыўна-Хрысьціянскай Партыі – БНФ Сяргей Каваленка падняў Беларускі Нацыянальны Дзяржаўны Сьцяг на гарадзкой навагодняй ёлцы ў Віцебску. За гэта ён быў жорстка зьбіты міліцыяй (што зьяўляецца злачынствам з боку міліцыі, бо затрыманы не аказваў супраціўленьня). С. Каваленка быў асуджаны на тры гады ўмоўна. З той пары ўлады пастаянна, з поўным парушэньнем закона і права, беспрычынна арыштоўвалі, бяспраўна судзілі і саджалі Сяргея Каваленку пад арышт ужо каля дзясятка разоў толькі таму, каб Каваленка ня мог зноў узьняць у горадзе Беларускі Сьцяг. Апошні раз 8-га ліпеня г.г. у 20 гадзін 50 хвілін міліцыя загарадзіла яму ўваход у дом, дзе ён жыве, і сілай на працягу дзесяці хвілінаў не дазваляла яму ўвайсьці ў дзьверы. Калі 10 хвілінаў мінула і настала 21-я гадзіна, міліцыянер склаў на яго пратакол аб вяртаньні дамоў пасьля 21-й гадзіны і аб парушэньні тым самым рэжыму ўмоўнага асуджэньня. Грамадзяніна Каваленку арыштавалі, адвезьлі ў пастарунак міліцыі і пасадзілі пад арышт на 10 сутак. Каваленка аб’явіў галадоўку супраць цынічнага бяспраўя, разбою і гвалту ўлады. На працягу ўсіх 10-ці дзён галадоўкі Каваленку не дазвалялі перадаваць чыстую ваду і не выводзілі яго з камэры на сьвежае паветра, сьведама стараліся пагоршыць здароўе арыштаванага (ці дакладней – схопленага, бо Каваленка не зрабіў ніякага парушэньня). Так беларусафобная ўлада перасьледуе беларуса за дэмакратычную дзейнасьць. Тут – неабгрунтаваная агрэсія ворганаў міліцыі і зьбіцьцё Сяргея Каваленкі, нематываваныя арышты і незаконныя судовыя прысуды, якія прыроўніваюцца да захопу закладніка; тут – злачынныя дзеяньні міліцыі па фабрыкацыі нібыта парушэньня рэжыму ўмоўна асуджаным С. Каваленкам і сплянаваныя дзеяньні ворганаў унутраных спраў, накіраваныя на пагаршэньне яго здароўя ў час знаходжаньня пад арыштам. Ворганы пракуратуры і пракурорскага нагляду не рэагуюць на парушэньне закону і злачынныя дзеяньні міліцыі. Гэтая інфармацыя складзена для грамадзянскай супольнасьці Рэспублікі Беларусь і перададзена ў арганізацыю Міжнародная Амністыя. 19 ліпеня 2010 г. 20/7/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
