Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Каля 4.00 раніцы ў нядзелю 18 ліпеня ў горадзе Зэльва на Гарадзеншчыне адбылася сур’ёзная экалагічная аварыя. Загарэўся вялікі склад ядахімікатаў, у якім захоўваюцца атрутныя рэчывы з усяе Гарадзенскай вобласьці. Пажарныя каманды вялі барацьбу з агнём на працягу ўсяго дня нядзелі. У паветра адбываліся выкіды вельмі вялікай колькасьці атрутных рэчываў. Але ніхто не паведаміў жыхарам раённага горада і навакольных вёсак пра страшную небясьпеку іхнаму жыцьцю і здароўю. Няма ніякіх паведамленьняў дагэтуль, ужо пасьля ліквідацыі пажара. Як і ў няшчасны для Беларусі дзень Чарнобыльскай катастрофы ў красавіку 1986 года, людзі ня ведалі пра небясьпечнае здарэньне. Яны займаліся штодзённымі справамі, многія адпачывалі з дзецьмі на вадасховішчы. Калі б вецер дзьмуў ня ў бок лясоў (як гэта было ў дзень пажару), а на горад, то адбылася б вялікая бяда і пацярпела б шмат людзей. Але нават у гэтай сітуацыі людзі ў Зэльве надыхаліся шкодных вікідаў. Зараз многія адчуваюць пяршэньне ў горле і цяжкасьці з дыханьнем. Пажарныя, якія ліквідавалі пажар, таксама адчуваюць пяршэньне ў горле і цяжкасьці з дыханьнем. Людзі зьвяртаюцца да гарадзкіх і раённых начальнікаў. Тыя адказваюць, што “нічога не здарылася, усё ў парадку”, і патрабуюць “не правакаваць панікі”. Гэта ёсьць відавочная спроба мясцовых прадстаўнікоў рэжыма (на загад галоўных кіраўнікоў рэжыма ў Менску) падмануць тысячы людзей і зняць з сябе адказнасьць. Вядома, што расейскія мафіёзна-дзяржаўныя структуры распачалі пабудову камбіната па пераапрацоўцы шкодных і атрутных рэчываў у Пухавіцкім раёне непадалёк ад Менску. Калі падобная аварыя адбудзецца на такім камбінаце, могуць загінуць сотні тысчаў людзей (невыпадкова Расея ня хоча будаваць такія прадпрыемствы на сваёй тэрыторыі). Рэжым дамовіўся на будаўніцтва з расейскімі мафійнымі фірмамі і здушыў пратэстныя выступы мясцовага насельніцтва. Беларусы ўпэўнены, што гэта толькі пробны крок маскоўска-менскага рэжымнага хаўрусу. Пасьля пабудовы камбіната ў Пухавіцкім раёне, Расея пабудуе такія ж небясьпечныя камбінаты па ўсёй нашай краіне. Дзеяньні ўладаў падчас і пасьля экалагічнай аварыі ў Зэльве неабходна кваліфікаваць як злачынныя. Прамаскоўскі рэжым яшчэ раз прадэманстраваў, як ён ставіцца да беларускага народу. Янка Базыль 21/7/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
