Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
З усяе Беларусі паступаюць зьвесткі пра мітусьлівую актыўнасьць “Говорі правду”. Па электравіках ходзяць маладыя асобы невялічкімі групкамі і раздаюць свае друкаваныя матар’ялы. Хаця “раздаюць” – гучна сказана. “Говоряшчіе правду” таропка бягуць па вагонах і падкідваюць на лавы каля пасажыраў пачакі сваіх улётак. Прычым, каля аднаго-двух пасажыраў яны кідаюць пачак з 8-10 улётак. Ім, як бачна, матар’ялаў (выкананых на расейскай мове, на расейскія грошы і ў расейскіх друкарнях) не шкада. Ды і перад сваім начальствам можна адчытацца пра распаўсюджваньне многіх тысячаў матар’ялаў. Але беларусы не надта цікавяцца гэтымі лісткамі. Большасьць людзей ужо ведае гэтую публіку і нават не бярэ ўлёткі ў рукі. Людзі выходзяць на станцыях, а на лавах застаюцца ляжаць некранутыя русіфікатарскія пачакі, зь якіх глядзіць партрэт Някляева. Ва ўлётках ён заклікае зьбіраць подпісы зя вылучэньне яго на “всебелорусское собранніе” антыбеларускай дыктатуры, дзе ён абяцае задаваць пытаньні пра заробкі, выбары і іншае. Нагадаем, што з самага пачатку правядзеньня гэтых “собраній” патрыёты-фронтаўцы арганізоўвалі выступы пратэсту каля “Палаца Рэспублікі” у Менску, дзе Лукашэнка зьбіраў “собранія”. Падчас нападаў паліцэйшчыны і гэбоўшчыны патрыётаў зьбівалі і арыштоўвалі. Некалькі зь іх былі паранены гарыламі рэжыму. Як бачым, Някляеў наадварот, рвецца на гэтае антыканстытуцыйнае па сутнасьці “собраніе”. Яму важна там засьвяціцца. У свой час туды прарываўся “кандыдат у прэзыдэнты” Аляксандар Казулін. Памятаем, што ўсё гэта для яго скончылася кепска. Магчыма навучаны досьведам Казуліна, Някляеў, ня маючы статусу кандыдата, хоча легальна трапіць ў нелегальны дыктатарскі “капусьнік”. Але ўсе гэтыя “сур’ёзныя” адносіны да несур’ёзнага “собранія” выглядаюць лёгкадумна і паказушна. Нейкая дзіўная ў іх “барацьба”. Сярод улётак, якія кідаюць пасажырам мабільныя групкі, ёсьць таксама заклік зьбіраць подпісы за перайменаваньне вуліц імем Васіля Быкава. Цікава, што на гэтых улётках не партрэт вялікага пісьменьніка Беларусі, а зноў жа фота Някляева. Янка Базыль 19/8/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
