Bielarus.net › Беларуская Салідарнасьць » “Даўно ўжо гэтыя “таварышчы” так не раскрываліся”

“Даўно ўжо гэтыя “таварышчы” так не раскрываліся”

Днямі псэўда-БНФ пад кіраўніцтвам Янукевіча выдаў ў сьвет “маніфэст”. Тэма дакуманта заяўлена вельмі сур’ёзная. У ім падкрэсьлена, што нельга ўдзельнічаць у маскоўскіх праектах і працаваць на іх. Таксама падкрэсьлена, што галоўнае – гэта “абарона нацыянальных беларускіх інтарэсаў”. Зразумела, што ўсё гэта заяўлена ў рэчышчы “выбарчай кампаніі”, якую ўжо распачала для сабе грантаўская “апазыцыя”. “Маніфэст” адразу ж выклікаў рэакцыю “саратнікаў”. А. Саннікаў заявіў, што так нельга пісаць, што Масква вельмі важная і ня трэба яе ігнараваць.

Прыдуманасьць “маніфэста” і пасьляманіфэстаўская рэакцыя добра відаць. Для мільёнаў беларусаў ужо даўно зразумела, што адзін з галоўных праектаў Масквы на беларускім палітычным полі – гэта выбарчыя кампаніі, дакладней сфальшаваныя шоў з мэтай пакіданьня на пасадзе Лукашэнкі. Цікава, што ў “маніфэсьце” няма аніслова пра выбары. Проста няма і ўсё. Мабыць і праблемы такой няма.
Адпаведная мізансцэна i з узаемнымі закідамі паміж Саньнікавым і Янукевічам-Кастусёвым. Саннікаў бароніць Маскву там, дзе яе бароніць і псэўда-БНФ (г. зн. ня згадваючы пра праект “псэўдавыбары ў Беларусі”).
На наступны дзень пасьля зьяўленьня згаданага “маніфэста” псэўда-БНФ і некалькі іншых псэўдаапазыцыйных груповак падпісалі “Пагадненьне”. Цытуем на мове арыгіналу: “Соглашение предусматривает, что демократические силы договариваются… провести массовую мобилизационную кампанию среди избирателей, в частности превратить возможный пассивный протест в форме неучастия в выборах в протест действенный, чтобы большинство проголосовало против действующей власти…”
Пакінем з боку непісьменнасьць расейскай лексікі, у якой выкананы гэты тэкст. Важней тут іншае: адкрыты выступ гэтай публікі супраць Народнага Байкоту і іхная заява пра “мабілізацыю” грамадзтва на выкананьне псэўдаэлектаральнага праекту, напісанага ў Маскве. Даўно ўжо гэтыя “таварышчы” так не раскрываліся. У сваім “соглашеніі” яны пасьля рэжымных “выбараў” яшчэ абяцаюць “масавыя акцыі пратэсту”.
Паўтараем, што за гэтымі папамі-гапонамі, якія служаць інтарэсам Масквы і прамаскоўскага рэжыму, лепш не хадзіць ні на якія акцыі. Яны ўжо цяпер рыхтуюць подлыя і падступныя правакацыі супраць людзей Беларусі.

Беларусам добра б было зрабіць здаровую выснову: нельга давярацца асобам няшчырым і падстаўным, якія гавораць пра “нацыянальныя інтарэсы” і адначасна цягнуць на выбарчы фарс, дзе Масква і яе агентурны рэжым у РБ у чарговы раз зьбіраюцца замацаваць сваю ўладу. Памятайма пра байкот фальшывых выбараў.

Янка Базыль

28/8/2010 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: