Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Рэжым просіць падпісвацца за псэўдаапазыцыю Вядома, што Лукашэнка часам выдае сваіх падзельнікаў, іхныя таямніцы і “шчакатлівыя моманты”. Бывала, возьме ды й ляпне на публіцы: “Спасіба ФСБ за помашч, аказаную мне на выбарах…” ці яшчэ што горш. Гэтымі днямі ён заклікаў людзей актыўней падпісвацца. Прычым, цікава, што дыктатар папрасіў падпісвацца не за сваю кандыдатуру (“У меня всё в парадке, сабралі ужэ 600 тысяч…”), а за “ўсіх кандыдатаў”. У прынцыпе так ня можа быць на нармальных, сапраўдных выбарах, дзе ідзе змаганьне паміж рознымі палітычнымі тэндэнцыямі. Гэта абсурд для электаральнай дэмакратыі. Кожны абараняе сваю пазыцыю, прапануе сваю праграму, прываблівае выбаршчыкаў на свой бок. Што ж здарылася? Чаму дыктатура пачала прасіць падпісвацца за “апазыцыю”? А здарылася вось што. Дзьве папярэднія выбарчыя кампаніі рэжыму прайшлі ва ўмовах масавага байкоту выбарчага фарсу, у якім ужо не захацелі быць статыстамі да 75 адсоткаў выбаршчыкаў нашай краіны. Людзі не пайшлі на выбарчыя ўчасткі, пакінуўшы дыктатуру і яе псэўдаапазыцыю гуляцца ў падстаўныя “выбары”. Менавіта Народнага Байкоту панічна баяцца антыбеларускі рэжым і імпэрская Масква. Байкот азначае для іх правал іхных спробаў татальнага падману нашага народу і легалізацыі рэжыма. Яны не баяцца “апазыцыю”, усіх яе “кандыдатаў” і “прэтэндэнтаў”. Ім важна, каб як мага больш “кандыдатаў” удзельнічалі ў псэўдавыбарах і гукалі людзям ісьці на іх. Ім важна стварыць бачнасьць дэмакратыі і ілюзію магчымасьці выбіраць. Потым “кандыдаты” атрымаюць свае 0,12 – 3% галасоў і павіншуюць Лукашэнку з “элегантнай перамогай”. Вось такая гульня “у падкіднога”. Галоўнае сабраць як мага больш людзей на выбарчых участках электаральнага спэктаклю. Пасьля гуканьняў дыктатара зварухнулася і рэжымная махіна. У шэрагу вышэйшых навуковых установаў нашай краіны кіраўніцтва зьвярнулася да студэнтаў і патлумачыла ім: “Таварышы, калі вы будзеце прагульваць лекцыі і ў гэты час зьбіраць подпісы за кандыдатаў, то мы ня супраць. Зьбірайце…” Вось, якая “лібэралізацыя”. Нават не сказалі, што трэба зьбіраць за начальніка рэжыму. Намякнулі, што можна зьбіраць за ўсіх. Гэтыя манеўры сьведчаць аб тым, што ня клеіцца ўсенародны падман у рэжыма і грантаўскай псэўдаапазыцыйнай публікі, што падпісваецца мала людзей. На даляглядзе вырысоўваецца хмара Народнага Байкоту, якая пагражае навальніцай глухому лукашэнкаўска-“апазыцыйнаму” балоту. Зварухнулася, забулькацела дрыгва, баяцца балотныя істоты буры народнага гневу. Янка Базыль 15/10/2010 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
