Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
ДЗЕНЬ ПАМЯЦІ ВАСІЛЯ ЎЛАДЗІМЕРАВІЧА БЫКАВА 22 чэрвеня сябры і прыхільнікі Кансэрватыўна-Хрысьціянскай Партыі – БНФ прышлі да магілы Васіля Быкава на Усходніх могілках Менска. Грамада ўзьняла нацыянальныя Бел-Чырвона-Белыя Сьцягі і засьпявала гімн “Магутны Божа”. Да надмагільнага помніка людзі ўсклалі кветкі. Выступоўцы ўзгадалі далёкі ўжо кастрычнік 1988 года, калі лепшыя людзі Беларусі пачалі стварэньне Беларускага Народнага Фронту “Адраджэньне”. З намі быў Васіль Быкаў, вялікі нацыянальны пісьменьнік і маральны аўтарытэт. Да самага апошняга дня свайго жыцьця Васіль Уладзімеравіч быў фронтаўцам, сваёй дзейнасьцю і сваімі творамі натхняў беларусаў на змаганьне за праўду і волю. Антынародны звыродлівы рэжым спрабаваў абылгаць вялікага беларуса, але ў лукашыстаў нічога ня выйшла. Людзі паверылі не зьнішчальнікам нашага народу, а песьняру. У 2003 годзе спэцслужбы і псэўдаапазыцыя рэжыму паспрабавалі ператварыць у абсурд дзень народнага смутку па Васілю Уладзімеравічу. Але людзі сталі сьцяной і зноў у цемрашалаў нічога ня выйшла. Беларусы ў той дзень выкінулі прэч ад магілы Васіля Быкава “вянок” з надпісам на акупанцкай мове, прысланы ад начальніка рэжыму, які зьневажаў імя вялікага пісьменьніка. Ужо дзевяць гадоў няма з намі Васіля Уладзімеравіча, але ён працягвае жыць у сваіх кнігах. Ягоны голас гучыць для новых пакаленьняў беларускага народу. Ён адказвае на многія пытаньні, якія ставіць перад намі сёньняшняя рэчаіснасьць. У грамадзе былі маладыя патрыёты. Старэйшыя падзяліліся зь імі сваімі ўспамінамі, распавялі пра свае першыя сустрэчы з творамі Васіля Быкава, пра фронтаўскае змаганьне. Моладзь далучаецца да нашага народнага змаганьня, якое было сэнсам жыцьця Васіля Уладзімеравіча і яго аднадумцаў. Інфармацыйная камісія 23/6/2012 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
