Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Затрыманы і асуджаны Валеры Буйвал 20 верасьня а 12.10 на вуліцы Грыцаўца ў Менску быў затрыманы міліцыяй Валеры Буйвал, сакратар Кансэрватыўна-Хрысьціянскай Партыі – БНФ, падчас распаўсюду ўлётак і налепак з заклікам да байкоту фальшывых выбараў. Кур’ёзна, што затрыманьне зьдзейсьніў патруль ДАІ. З гэтага зразумела, што рэжым мабілізаваў на палітычны вышук і рэпрэсіі ўсе свае структуры. Патруль даставіў В. Буйвала ў РАУС Партызанскага раёну сталіцы і пачалося доўгае разьбіральніцтва. А 18.30 В. Буйвала даставілі ў Палац Правасуддзя на вул. Сямашкі. Суддзя Партызанскага раённага суда Марыянна Валчкова (унесена ў сьпіс невыяздных у Эўразьвяз за ўдзел у сфальшаваных палітычных працэсах) вяла працэс. Міліцыянты-даішнікі маёр А. Хурсевіч і яшчэ адзін капітан, якія выступалі сьведкамі па справе, фальшыва сьведчылі, даказваючы, што В. Буйвал «аказваў супраціў пры затрыманьні, тузаў за ўніформу, спрабаваў вырвацца, не падпарадкоўваўся». В. Буйвал абвяргаў безпадстаўныя абвінавачваньні і папярэджваў міліцыянтаў аб крымінальнай адказнасьці за ілжэсьведчаньні. А 19.15 быў вынесены прысуд, паводле арт 23.4 Кодэксу Адміністрацыйных парушэньняў РБ, — адміністрацыйны штраф у памеры 25 базавых адзінак (2,5 мільёны беларускіх рублёў). Інфармацыйная камісія Кансэрватыўна-Хрысьціянскай Партыі – БНФ 21/9/2012 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
