Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
«Ахоўная зона месцамі парушаная нават на 70% тэрыторыі»<
. — Заканадаўства тут парушана, але паколькі за ўсім гэтым крыміналам стаяць канфліктныя палітычныя сілы, то працэс будзе ня простым. Мы разумеем тое і гатовыя да барацьбы за законнасьць. Матэрыялы, якія мы адаслалі ў абласную пракуратуру («мы» — гэта значыць КХП – БНФ, заява за подпісам Ю. Беленькага), датычаць канкрэтных, даказуемых і пацьверджаных фактаў парушэньня закону. Найперш, мы зрабілі абмеры тэрыторыі ахоўнай зоны і межаў будаўніцтва рэстарана з прывязкай да існуючых рэпераў (некаторыя рэперы будаўнікі, відаць, зьнішчылі). У выніку абмераў намі быў складзены акт за подпісамі Ю. Беленькага (намесьніка старшыні КХП – БНФ), В Нямковіча (старшыні ГА «Хрысьціянская злучнасьць Курапаты») і А. Астаповіча (старшыні ГА Таварыства Аховы помнікаў гісторыі і культуры). Выяўленыя грубыя парушэньні. Ахоўная зона месцамі парушаная нават на 70% тэрыторыі. Акт і вынікі абмераў перададзеныя ў пракуратуру. Зараз ідзе праверка пракуратуры. Другое безумоўнае парушэньне – гэта адсутнасьць абавязковага ўзгадненьня праекта з навуковым кіраўніком матэрыяльнай нерухомай гісторыка-культурнай каштоўнасці 1 катэгорыі “Месца згубы ахвяр палітычных рэпрэсій” 30-40 гадоў ХХ стагоддзя ва ўрочышчы Курапаты М. Кляшторнай, што з’яўляецца грубым парушэннем дзеючага заканадаўства. Усяго гэтага дастаткова, каб прыпыніць будаўніцтва аб’екта і абавязаць потым парушальнікаў выбрацца з ахоўнай зоны, заплаціўшы штрафы і аднавіўшы тэрыторыю. Але пабудова сумніўнага аб’екта ля Курапатаў можа застацца (як кажуць расейцы, «назло врагам»), калі пракуратура ня стане разьбірацца ў трэцім аспэкце гэтага дзіўнага будаўніцтва. Мы займаемся гэтым «аспэктам» ужо пэўны час, каб падрыхтаваць матэрыял у пракуратуру, але адчуваем, што без удзелу самой пракуратуры (і, дарэчы, журналістаў) падняць яго даволі цяжка. Калі коратка, то справа вось у чым. Удалечыні ад ахоўнай зоны (бліжэй да вёскі Цна) у 2007 годзе быў прададзены праз аукцыён ўчастак зямлі пад будаўніцтва сэрвіснага цэнтру ля бэнзынавай аўтазапраўкі. Праз нейкі час гэты ўчастак беларускім уласьнікам быў прададзены маскоўскаму пакупніку, які пачаў будаваць тут свой сумніўны рэстаранны аб’ект, але на тэрыторыі шматкроць перавышаючай плошчу купленай пляцоўкі. Будаўніцтва заняло ня толькі зону рэгуляванай забудовы, але й палову ахоўнай зоны Народнага Мэмарыялу Курапаты. Узьнікае шмат пытаньняў. Якім чынам была набытая дадатковая зямля ў зоне рэгуляваньня забудовы (ці законна, за якую суму і ці ўвогуле яна была прададзена і куплена, і г. д.)? Якая была першапачатковая дакумэнтацыя праекта, узгодненая некаторымі ўстановамі? Якое было тэхніка-эканамічнае абгрунтаваньне першапачатковага праекта і г. д.? Можа, як кажуць, якраз тут цюцька закапаны. Рэжым прагніў настолькі, што няма яму ніякага даверу. Сэрыя парушэньняў з «будаб’ектам» такога роду як правіла не ўзьнікае на законнай аснове, і зьяўляецца вынікам больш глыбокіх сутнасных парушэньняў. Якіх – варта было б разабрацца глыбей, бо на рэстаранах такія парушальнікі ня спыняцца. 28/11/2012 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
