Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Эканоміка, прадпрыемствы належаць усяму беларускаму народу (Красавіцкі Сойм Беларускага Народнага Фронту “Адраджэньне” 14 красавіка сёлета ў Менску адбыўся чарговы Сойм Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ. Сойм заслухаў даклад сп. Зянона Пазьняка, Старшыні Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ – “Санкцыі – дыялог — санкцыі” (апублікаваны). З дакладам выступілі сп. Юры Беленькі, выканаўца абавязкаў у Беларусі старшыні Фронту і Партыі, і сп. Сяргей Папкоў, намесьнік старшыні Фронту і Партыі. Выступоўцы казалі пра паглыбленьне сацыяльна-эканамічнага крызісу ў нашай краіне. Рэжым распрадае і здае лепшыя прадпрыемствы, гонар і славу беларускай эканомікі. Усё гэта робіцца пад фальшывым саванам нібыта зьдзелак кіраўніцтва нашай краіны з Расеяй. Але ж гэтыя каштоўнасьці належаць усяму беларускаму народу, ніхто ня мае права распараджацца нашымі каштоўнасьцямі. Прадаваць гэта ёсьць крымінальным злачынствам. Апошнім часам назіраецца інтэнсіфікацыя гэтага крымінальнага працэсу. Вынікам гэтага злачынства будзе толькі аднаўленьне законнасьці дэмакратычнай беларускай уладай. Няхай ведаюць пра гэта мафійныя расейскія колы, якія займаюцца крымінальнымі трансакцыямі з антыбеларускім рэжымам. Выступілі таксама сябры Сойму з розных рэгіёнаў краіны. Яны распавялі пра выразныя пазытыўныя зьмены ў настроях людзей. Беларусы хочуць мець праўдзівую інфармацыю аб тым, што адбываецца ў краіне і ў сьвеце, яны ня вераць афіцыёзнай прапагандзе, якая раздражняе людзей. Наглядзеўшыся на антычалавечыя экспэрымэнты дыктатуры, людзі вяртаюцца да роднай мовы, успамінаюць аб тым, што яны беларусы – спадчыньнікі вялікай культуры і цывілізацыі. Гэта таксама ёсьць адзін з вынікаў злачыннага здушэньня ўсяго беларускага маскоўскімі акупантамі. Людзі пачалі цаніць сваё, роднае і вяртацца да сваіх каштоўнасьцяў. Беларусы зразумелі, што сваё – гэта жыцьцё, гэта будучыня дзяцей і ўнукаў, а маскоўска-акупанцкае – гэта мёртвае, чужое, дурное і ганебнае. Сойм прыняў рашэньне накіраваць у беларускае грамадзтва Адозву аб супраціве антыбеларускай палітыцы і абароне нашай Айчыны ад акупанцкай Расеі. Інфармацыйная камісія Беларускага Народнага Фронту 15/4/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
