Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Няма мяжы з Маскоўшчынай, а ён страшыць, што будзе страляць 19 красавіка летувіская газэта “Lietuvos Rytas” апублікавала артыкул пад тытулам “А. Лукашэнка папярэдзіў, каб не спрабавалі прарвацца праз беларускую мяжу”. Вось гэты артыкул: Беларускія памежнікі будуць прымяняць зброю, калі будуць спробы прарвацца праз дзяржаўную мяжу. Гэта ў пятніцу ў Менску заявіў прэзыдэнт краіны Аляксандр Лукашэнка, зачытваючы штогадовы зварот да беларускага народу і парляманту, як паведаміла РІА-Новості. Колькі месяцаў таму грамадзянін Нямеччыны расейскага паходжаньня ехаў з Польшчы і пратараніў шлагбаўм на кантрольным пастарунку, уехаў у Беларусь і ўцёк. Праз колькі дзён яго злавілі і аддалі пад суд. “Крый Божа якому-небудзь шарлатану праехаць праз нашу мяжу, як нож у масла, будзеце самы вінаватыя”, — заявіў Лукашэнка, зьвяртаючыся да памежнікаў. Ён таксама папярэдзіў патэнцыйных парушальнікаў аб магчымых наступствах. Памежнікі будуць прымяняць зброю і ў выпадку малейшага непадпарадкаваньня. Мяжа – не плот”, — падкрэсьліў А. Лукашэнка. ELTA i lrytas.lt inf. (Пераклаў з летувіскай В. Буйвал) Крыніца: Кур’ёзны часам занятак – чытаньне газэт суседняй краіны, асабліва на беларускую тэму. Яны, аказваецца, карыстаюцца пры падачы паведамленьняў зь недалёкага Менску інфармацыйнымі падачкамі, што распаўсюджвае расейская агенцыя РІА-Новості. Сваіх крыніц у іх няма. Яны паўтараюць за маскоўскай агенцыяй пра Лукашэнку-прэзыдэнта, мабыць, не здагадваючыся, што ён узурпатар прэзыдэнцкай улады. Яны паўтараюць тэарэтызаваньні галоўнага начальніка рэжыму пра “граніца на замке!” і “стой, страляць буду!” На мяжы з цывілізаванымі суседзямі Беларусі сапраўды ахова наладжана. Ёсьць і дрот, і паласа, і пастарунковыя з сабакамі. А вось з маскоўскай імпэрыяй мяжы няма, няма і ўсё. А менавіта адтуль у Беларусь сьцякаецца ўсялякае гнюснасьць і небясьпека, наркотыкі, наёмныя забойцы, злачынцы розных масьцяў. На месцы мяжы з агрэсіўнай гэбоўскай імпэрыяй – прорва. Але пра гэта не напіша летувіская газэта, бо пра гэта ніколі не паведаміць ёй маскоўская агенцыя. Мы часам зьдзіўляемся падстаўной і фальшывай мясцовай “дэмжурналістыцы”. Але вось вам узровень рэпарцёрства ў суседняй краіне. Улетку 1940-га маскоўскія агенцыі таксама былі паведамілі ім, што “савецкая армія выйшла на спацыр”. Яны мабыць паверылі Маскве, а тая за паўдня заняла ім іхную дзяржаву на наступныя дзесяціцгоддзі. Скарэктаваных навінаў пра “спацыр” не было ўжо каму паведамляць у летувіскае грамадзтва. Бо разам з дзяржавай была ліквідавана і дэмжурналістыка… Ян Булыга 27/4/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
