АГЛЯД ЗАМЕЖНАГА ДРУКУ

(17-20.05.2013)

Кожнаму сваё

17 траўня 2013 г. іспанская газэта “El Pais” паведаміла, што ў турме непадалёк ад Буэнас-Айрэса памёр генэрал Хорхэ Відэла, фактычны прэзыдэнт Аргентыны падчас ваеннай дыктатуры 1976-83 гг. Ён быў асуджаны да пажыцьцёвага зьняволеньня за злачынствы супраць чалавечнасьці. За гады дыктатарскага рэжыму зьніклі і былі забіты 30 тысячаў чалавек. Відэла ніколі не выказаў пакаяньня за свае ўчынкі.

Наш камэнтар: Дыктатура, якая зьневажае свой народ і забівае людзей, рана ці позна абвальваецца. Вызвалены народ адэкватна карае тых, хто аддаваў і выконваў злачынныя загады.

Юрка Марозаў
***

Украінцы змагаюцца

18 траўня 2013 г. летувіская газэта “Lietuvos Rytas” напісала з Кіева. Там адбылася шматтысячнай дэманстрацыя пад дэвізам “Уставай, Україна!” Удзельнікі дэманстрацыі патрабуюць адстаўкі цяперашняга прэзыдэнта Януковіча. Партыя рэгіёнаў (партыя Януковіча) таксама вывела тысячы людзей у цэнтар украінскай сталіцы. Правакатары напалі на патрыётаў, адбыліся сутычкі, былі паранены людзі.

Наш камэнтар: Прамаскоўскі рэжым Януковіча дэманструе нябачаны ўзровень карупцыі і няздольнасьць разьвіваць незалежную краіну. Патрыёты ведаюць, што гэтая “няздольнасьць” прадыктавана сапраўднымі гаспадарамі клікі Януковіча – Крамлём-Лубянкай. Змаганьне за вызваленьне Украіны ад маскоўскага ціску набывае ўсё больш драматычныя формы.

Юрка Марозаў
***

Усё дарэмна

18 траўня 2013 г. дацкая газэта “Information” напісала пра спробы напісаць новую гісторыю Расеі, якія прадпрымаюцца ў РФ пад кіраўніцтвам самога Пуціна. У выніку ў кнігах, музэях і на плакатах зноў зьявіўся савецкі жаўнер з надзьмутымі мускуламі і стальным позіркам, ён вызваліў усіх. Вучні і народ павінны навучыцца любіць Радзіму і ненавідзіць яе ворагаў. У той жа час Савецкі саюз падаецца як ахвяра агрэсій. Такім чынам палітызуецца гісторыя з мэтай стварэньня будучыні Расеі.

Наш камэнтар: Псэўданавуковая кампанія ў Расеі паглынае шалёныя грашовыя сумы і стварае шмат ілюзій. Мэта яе – пераканаць сваё насельніцтва і ўвесь сьвет у тым, што ў Расеі была ня толькі мінуўшчына, але ёсьць і будучыня. Пра жудасную мінуўшчыну імпэрыі народ ведаюць, а вось у будучыню імпэрыі неяк ня вераць. Усё дарэмна.

Алесь Хадасевіч
***

Ніякіх “даплат” здраднікам

20 траўня 2013 г. славацкая газэта “SME” паведаміла пра рашэньне ўрадавай камісіі. Вырашана адмяніць даплаты да пэнсіі былм камуністычным кіраўнікам, якія спрычыніліся да антынароднай палітыкі ў часы камуністычнага рэжыму і да здушэньня народнай рэвалюцыі 1956 года.

Наш камэнтар: У Беларусі не павінна быць такой праблемы. Пасьля вызваленьня ад акупацыйнага рэжыму асобы, што аддавалі і выконвалі злачынныя загады, ня будуць атрымліваць ніякіх сацыяльных “даплат”.

Юрка Марозаў
***

Брусэльская палітбрыдота азвалася

20 траўня 2013 г. славацкая газэта “Pravda” напісала, што Эўразьвяз жорстка крытыкуе Грузію “за гвалтоўнае парушэньне мітынгу негэтэрасэксуалаў у цэнтры Тіблісі тысячамі прыхільнікаў кансэрватыўнага крыла праваслаўнай царквы начале з сьвятарамі”.

Наш камэнтар: Вось якая лексіка ў Брусэлі. Гамасэкаў назвалі “негэтэрасэксуаламі”, нармальных людзей, хрысьціян – нейкім “кансэрватыўным крылом”. Мы ня чулі, каб у Грузінскай Праваслаўнай Царкве было нейкае “садомскае крыло”. Брусэльская кантора не перастае спрабаваць заняць галовы мільёнаў людзей аблудай – брыдотай, на якой пабудавана так званая “лібэральная дэмакратыя”.

Алесь Хадасевіч

21/5/2013 › Навіны