Bielarus.net › Беларуская Салідарнасьць » Праца многіх пакаленьняў беларусаў зьнішчаецца

Праца многіх пакаленьняў беларусаў зьнішчаецца

(Чэрвеньскі Сойм Беларускага Народнага Фронту “Адраджэньне”
і Кансэрватыўна-Хрысьціянскай Партыі – БНФ)

9 чэрвеня сёлета ў Менску адбыўся чарговы Сойм Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ. З дакладам выступілі сп. Юры Беленькі, выканаўца ў Беларусі абавязкаў старшыні Фронту і Партыі, а таксама сябры Сойму сп. Валеры Буйвал і сп. Алесь Чахольскі.
Выступоўцы казалі пра апошнюю атаку антыбеларускіх сілаў на Народны Мэмарыял у Курапатах. Тое, што гэтыя сілы прадставілі як “агульнанацыянальную талаку”, аказалася акцыяй разбурэньня нашай Сьвятыні. Але дзеяньні сяброў нашай партыі па вызначэньню межаў ахоўнай тэрыторыі Народнага Мэмарыялу, фактычна, сарвалі правакацыю, ў якой замешаны антыбеларускі рэжым.

Беларусы ўражаны актыўнасьцю расейскага кіраўніцтва па мілітарызацыі тэрыторыі і рэсурсаў Беларусі дзеля падрыхтоўкі да ваенных дзеяньняў Расеі супраць краінаў Заходняй Эўропы. Нашыя людзі зьдзіўлены таксама, што абсалютна адкрытыя, дэкларатыўныя дзеяньні і заявы Расеі што да яе ваеннай прысутнасьці ў Беларусі не знаходзяць нават найменшага адлюстраваньня ў СМІ Заходняй Эўропы. Ці яны разумеюць, што адбываецца?

Выступілі таксама сябры Сойму з розных рэгіёнаў краіны. Яны распавялі пра тактыку “выпаленай зямлі” (або “зачысткі”) у шэрагу раёнаў Беларусі. Калі вымірае апошні жыхар беларускай вёскі, мясцовая адміністрацыя выклікае бульдозэры і закопвае ўсе дамы, што засталіся ў вёсцы. Мясцовыя прадпрыймальнікі спрабуюць выкупіць цагляныя будынкі гэтых паселішчаў, што вызначаны пад зьнішчэньне. На іх ніхто не зьвяртае ўвагі. Каштоўнасьці, праца многіх пакаленьняў беларусаў зьнішчаюцца. З другога боку, беларусы, якія вярнуліся з працы ў Расеі, распавядаюць пра расейскую “сацыяльную справядлівасьць”. Бывае, што беларусы афіцыйна (з запаўненьнем усіх дакумэнтаў) уладкаваліся на легальную працу ў Расеі. Беларусы працавалі на будоўлях, электрастанцыях, заводах. І вось яны вырашылі звольніцца і вярнуцца ў Беларусь. Дык расейская дырэкцыя выдала ім працоўныя кніжкі, дзе не пазначана, што яны працавалі гэтыя гады. Зразумела, што гэта робіцца ў чужой дзяржаве, каб беларусы не маглі прэтэндаваць на пэнсіі з Расеі. Так робяць афіцыйныя расейскія жулікі.

Сойм абмеркаваў захады па супраціву расейскай агрэсіі ў Беларусі.

Інфармацыйная камісія Беларускага Народнага Фронту
“Адраджэньне” і Кансэрватыўна-Хрысьціянскай Партыі – БНФ

9 чэрвеня 2013 г.

11/6/2013 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: