Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
7 чэрвеня нідэрляндская газэта “Volkskrant” апублікавала артыкул пад тытулам “Два гады за адмаўленьне факту злачынстваў Кхмэраў”. Вось гэты артыкул: Камбоджа прызнае пакаральным адмаўленьне злачынстваў пры ўладзе Чырвоных кхмэраў. У пятніцу парлямант прыняў закон, паводле якога ўсталёўваецца такі парадак. Мааісцкія Чырвоныя Кхмэры наладзілі рэжым тэрору ў 1975-1979 гадах, калі, паводле падлікаў, 2 мільёны камбаджыйцаў былі забіты. Парлямант адзінагалосна прыняў закон аб 2 гадах заключэньня ў турму за адмаўленьне факту злачынстваў. Арганізацыі правоў чалавека кваліфікуюць закон непатрэбным як палітычна матываваны. Праз два месяцы ў Камбоджы адбудуцца выбары. ANP (Пераклаў з нідэрляндскай В. Буйвал) Нагадаем, што прамінула амаль 40 гадоў з таго часу, як прамаскоўскі рэжым Чырвоных кхмэраў наладзіў тэрарыстычны рэжым у Камбоджы. Пасьля падзеньня гэтага рэжыму новыя ўлады заключылі пагадненьне з забойцамі на прымірэньне і аддалі ім некалькі правінцый Камбоджы ў валадараньне. Але народ ніколі не пагадзіўся з камфортным існаваньнем забойцаў. І вось урэшце парлямант краіны прыняў адпаведны закон аб перасьледзе за злачынствы супраць народу і чалавечнасьці (лібэральныя праваабаронцы адразу ўшчалі лямант). Але мільёны камбаджыйцаў, якія перажылі нацыянальную катастрофу, не зважаюць на гэты вэрхал. У Беларусі, вызваленай ад прамаскоўскай дыктатуры, мяркуем, ня трэба будзе чакаць 40 гадоў, каб пакараць забойцаў народу. Такі закон, відаць, будзе прыняты адразу пасьля падзеньня рэжыму. 15/6/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
