Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Антынародная, антыдзяржаўная палітыка кіруючай клікі 31 жніўня рэжым праводзіў “Дзень беларускага пісьменства” у Быхаве. Наш гістарычны горад быў запоўнены рэкламай і прапагандай на расейскай мове. На мове акупанцкай імпэрыі прамаўлялі на публіцы мясцовае начальства і міністар культуры РБ тов. Светлов. У гэтым прафанацыйным кантэксьце ўжо ня важна, што яны там гаварылі, што абяцалі і ў чым апраўдваліся. Яны дэманстравалі сваю адданасьць злачыннай палітыцы русіфікацыі, якая зьяўляецца прыладай канчатковага зьнішчэньня беларускай нацыі і яе культуры. Найбольш кур’ёзным у дэкарацыях гэтага “Дня” былі вэртыкальныя расьцяжкі з выявай чалавечкаў на фоне сьцяга БССР-РБ і слоўны пасыл-дэвіз: “Семья – Единение – Отечество”. Такія “трыяды”, калі ўспомніць мінуўшчыну, вельмі любіў таталітарны “рамантык” Мусаліні. Але ён не дадумаўся адмяніць італьянскую мову і гісторыю (а рабіў нават наадварот). З “семьёй” лукашызм ужо грунтоўна і па-крымінальнаму “разабраўся”: народ вымірае, сем’і распадаюцца, сотні тысячаў беларусаў ня могуць зарабіць на роднай зямлі на элемэнтарныя патрэбы і вымушаны падацца ў маскоўскае рабства. С “едіненіем” рэжым неяк ня надта высоўваецца апошнія гады, хаця зразумела, што маецца на ўвазе паглынаньне Расеяй нашай краіны. Што такое “отечество” для рэжымнага начальства і прапагандыстаў, зразумела з самага пачатку іхнага рэжыму – “Велікая Россія”. Адным словам, у наяўнасьці антынародная і антыдзяржаўная палітыка кіруючай клікі. Так паводзілі сабе, напрыклад, нямецкія акупанты ў падбітых краінах. У акупанцкіх структурах былі асобы і аддзелы, адказныя за “разьвіцьцё культуры”. Акупаваныя народы не падманваліся акупанцкімі дэкларацыямі, а змагаліся супраць акупантаў. Потым, на Нюрнбэргскім і іншых працэсах шэраг згаданых асобаў і аддзелаў сьведчылі аб тым, што іхная дзейнасьць была накіравана на зьнішчэньне нацыянальных эліт і нацыянальных культур. Суду прадастаўляліся дакумэнты на гэтую тэму. У Беларусі ўсе наперадзе. Алесь Хадасевіч 7/9/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
