Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
З раніцы 12 верасьня расейскае тэлебачаньне “загружала” (як кажуць маладыя) беларусаў сваёй прадукцыяй. Многія ў нас даўно кінулі глядзець навіны ад БТ і аддаліся ва ўладу расейскіх каналаў. Тым больш, што тут раз-пораз і пра нас пакажуць. Яны паказалі і гэтым разам. У рубрыцы “із заграніцы” пасьля паказу яркіх панарамных кадраў пра Каталонскі Шлях, дзе сотні тысячаў людзей сталі ланцугом праз усю сваю краіну за Незалежнасьць, быў уключаны сюжэт “із Белоруссіі”. Бадзёры журналісьцік проста лопаўся ад захапленьня, так і зрываўся на фальцэт, імкнучыся перакрычаць грукат танкаў. Гэта быў рэпартаж з міфічнай “Лініі Сталіна” пад Менскам, дзе рэжымныя “музэйшчыкі” ладзілі чарговую гульню з удзелам савецкай і нямецкай бранетэхнікі. Яны езьдзілі кругамі і петлямі, стралялі хлапушкамі і па-ўсякаму забаўлялі публіку, што стаяла за стужкай. Апошнім акордам тэлешэрагу пад аптымістычна-марсавы камэнтар журналісьціка быў статычны кадр: танк пад вялікім сьцягам СССР і з надпісам на вежы “За нашу советскую Родину!” І што яны так разгуляліся-расстраляліся? Да чаго б усё гэта? Зразумець іх можна, у краіну едуць эшалёны расейскіх войскаў і тэхнікі. Разгортваюцца маштабныя манэўры на тэму, як трэба штурмаваць Польшчу і Прыбалтыку. Трэба падтрымаць баявога духа ў беларускім народзе. Трэба нагадаць яму гэбельсаўскім спосабам, на якіх танках і зь якой сымволікай трэба ваяваць і паміраць. Мяркуем, што танкавая тэма будзе працягвацца. А каталонцы становяцца муром на сваёй зямлі, уздымаюць нацыянальныя сьцягі і дамагаюцца незалежнасьці… Ян Булыга 17/9/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
