Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
17 верасьня летувіскія СМІ паведамілі пра адкрыцьцё Дзён культуры Беларусі ў Летуве. Творчыя дасягненьні нашых майстроў культуры безумоўныя. Вельмі добра, што зь імі пазнаёміцца летувіская публіка. Але, як заўсёды ў такіх сытуа цыях, над прыгожай падзеяй замаячыў змрочны цень антыбеларускага рэжыму. На прэс-канфэрэнцыі ў Вільні амбасадар РБ у Летуве тав. Дражын сказаў некалькі дзяжурных сказаў. Сярод іх, напрыклад, аб тым, што “летувіская і беларуская культуры падобныя”… А потым перайшоў да лічбаў (тут савецка-лукашыстоўскаму чыноўніку палягчэла зь лексікай). Тав. Дражын сказаў, што на падтрымку беларускай культуры з дзяржбюджэту даецца больш за 1% сродкаў. Акрамя таго, па словах тав. Дражына, больш за 10% выдаткоўваецца на асьвету, на ахову здароўя – 8-9%, на сацыяльную ахову – больш за 25%. Паслухаць дык мы жывем калі не ў раі, то ў самай цывілізаванай краіне Эўропы. Зразумела, што прадстаўнік рэжыму распавядаў пра Беларусь, “каторая ў тэлевізары” (як іранічна называюць нашыя грамадзяне гэбельсаўскую хлусьню па БТ). Вынікі згаданых бюджэтных лічбаў усё нашае грамадзтва бачыць у агульным развале адукацыі і сістэмы аховы здароўя, у злачыннай палітыцы русіфікацыі і здушэньня беларушчыны. Такія шчыраваньні лукашыстоўскай вертыкалі нагадваюць старонкі раманаў Леона Фэйхтвангэра пра эпоху гітлерызма. Там таксама ёсьць пэрсанажы зь нямецкай дыпслужбы, якія ў Парыжы клапоцяцца аб прывабным іміджы сваёй рэжымнай сістэмы, нават кнігі і артыкулы на гэтую тэму папісваюць. Ёсьць і прызнаньні культурных дзеячаў Нямеччыны, якія ўсё разумеюць, але езьдзяць на замежныя гастролі, каб “зусім ня ўпала нямецкая культура”. Але нават гітлерызм не дадумаўся да зьнішчэньня ў Нямеччыне нямецкай мовы і культуры. Янка Базыль 27/9/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
