Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Вайна супраць беларускай культуры Злачынная палітыка русіфікацыі неяк зрабілася нормай за гады існаваньня антынацыянальнага рэжыму на нашай зямлі. Бальшыня людзей пачалі ўжо нават звыкацца з гэтай імпартаванай з Масквы пошасьцю. Але лукашызм не спыняецца, прэ наперад, душыць самыя, здавалася б, звычайныя праявы беларускага духа і нашай культуры. З розных куткоў Беларусі паступаюць зьвесткі пра яшчэ больш жорсткае зашморгваньне пятлі на шыях беларусаў. Вось прыклады. Сёлета былі, фактычна, звольненыя з працы сумленныя работнікі кніжнай справы. Працуючы ў кнігарнях, гэтыя людзі падыходзілі творчы да сваіх абавязкаў. Ня проста сачылі, каб хто-небудзь не скраў кніжную прадукцыю, а размаўлялі з наведвальнікамі, знаёмілі іх з кніжнымі навінкамі, прапанавалі пагартаць часопісы, падказвалі, якія кніжкі лепш купіць дзецям. Здаецца, вось як добра! За што ж звальняць? Аказалася, што паводзіны гэтых кнігалюбаў былі на мяжы дзяржаўнага злачынства і здрады рэжыму. Справа ў тым, што гэтыя беларусы іншым беларусам распавядалі пра беларускія кнігі, раілі купіць беларускія часопісы, падказвалі, як трэба займацца зь дзецьмі, каб яны пачалі прынамсі разумець родную мову. Руплівае начальства заўважыла гэта і проста не працягнула кантракт з гэтымі беларусамі. Зразумела, што такое рашэньне яно прыняло не само сабой, а выконвала вышэйшы рэскрыпт (але, зрэшты, халуёў хапае). З вышэйшых навучальных установаў паступаюць зьвесткі пра зачыстку на літаратурным полі. Зразумела, што для лукашызма Васіль Быкаў ужо даўно “враг народа”. З гэтым людзі ўжо звыкліся. Але вось студэнты паспрабавалі заявіць, што хацелі б напісаць творчую працу пра вершы Ніла Гілевіча. Зь імі “побеседовало” начальства і патлумачыла, што гэтая тэмы і гэтая постаць непажаданыя. Яны, маўляў, могуць узяцца за аналіз твораў Гілевіча, але ўсяроўна не атрымаюць высокай адзнакі і будуць “іметь проблемы”. Цяпер можна пісаць толькі пра калабарантаў і бездараў кшталту Чаргінца або Алекісевіч. Вайна супраць беларускай культуры працягваецца. Беларусы мусяць супраціўляцца. Сымон Рудзік 2/10/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
