Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“Дэманстранты заатакавалі расейскую амбасаду ў Трыпалі” 3 кастрычніка партугальская газэта “Diario de Noticias” апублікавала артыкул пад такім тытулам. Вось гэты артыкул: Дзясяткі разьюшаных дэманстрантаў ў сераду спрабавалі захапіць амбасаду Расеі ў Трыпалі пасьля таго, як разышліся зьвесткі аб забойстве афіцэра лібійскай арміі расейскай жанчынай. Пра гэта паведаміла сьведка, працытаваная агенцыяй AFP. Дэманстранты зьнішчылі аўтамабіль, што стаяў перад амбасадай і пашкодзілі партал дыпламатычнай місіі. Службы бясьпекі былі выкліканы на месца, каб абараніць дыпламатаў, што знаходзіліся ўнутры комплекса. Пазьней лібійскі прэм’ер-міністар Алі Зэйдан і міністар замежных справаў Магамэд Абдэльазіз прыбылі ў абмасаду, каб ацаніць пашкоджваньні, якія, паводле агенцыі навінаў Lana, аказаліся невялікімі. Інцыдэнт адбыўся праз два дні пасьля сьмерці афіцэра арміі ў раёне Соўк Джума, у сталіцы краіны. Некаторыя крыніцы казалі, што расейская жанчына зьдзейсьніла забойства за тую ролю, што афіцэр адыграў у паўстаньні 2011 г. супраць рэжыму Кадафі, а іншыя асобы падкрэсьлілі, што жанчына была замужам за афіцэрам і прычынай інцыдэнта быў сужонскі канфлікт. Сусана Салвадор Пераклаў з партугальскай В. Буйвал. Крыніца: http://www.dn.pt/inicio/globo/interior.aspx?content_id=3455768 Гэтая лакальная ўспышка народнага гневу сьведчыць ня толькі пра тэмпэрамэнт лібійцаў, але таксама аб тым, як яны ставяцца да Масквы. Добра, што мясцовыя службы хутка прыляцелі ратаваць «русскіх товарішчей». Дэманстранты пасьпелі, аднак, добра разьбіць фасад будынку амбасады і спаліць сьцяг РФ. У сувязі з гэтым было б добра, каб расейскія прадстаўнікі ў сьвеце зразумелі агульную карысьць ад мірных, негвалтоўных акцый пратэсту перад іхнімі прадстаўнітвамі. Так, аднак, бывае не заўсёды. Народы ўсё больш ведаюць і здагадваюцца аб сапраўднай дзейнасьці маскоўскіх кантораў у сваіх краінах. Амбасадзе РФ у Менску няма чаго баяцца. Свой будынак амбасады Масква ў парушэньне ўсіх сусьветных правілаў бясьпекі пабудавала ў нашай сталіцы ў некалькіх дзесятках мэтраў ад буйнога дзіцячага шпіталя. Цяпер ім ня страшныя ні артылерыйскі абстрэл, ні бамбардоўка. Там цяпер нават шумець нельга. Товарішчі прыкрыліся беларускімі дзецьмі, хворымі дзецьмі. Ян Булыга 4/10/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
