Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
23 кастрычніка насупраць комплекса Варшаўскага ўнівэрсітэту прайшоў пікет у падтрымку палітвязьня Мікалая Аўтуховіча. У асноўным маладыя людзі трымалі партрэты Аўтуховіча, было некалькі Бел-Чырвона-Белых Сьцягоў. Фота на Радыё Свабода дэманструе ўсю кампазыцыю. Перад шэрагам пікетоўцаў стаіць Слава Сіўчык і нешта вяшчае ім у мэгафон. Фармальны аналіз паказвае, што Сіўчык проста пазіруе. Ну, сапраўды, навошта гукаць у гукаўзмацняльнік, калі перад табой вельмі блізка стаяць некалькі чалавек, а побач няма ніякіх канкурэнтных шумоў? Усё чуваць і так. Але некаму важна было паказаць, хто “камандуе парадам”. Вось яны і паказалі. На левым флангу стаіць сівы, 60-гадовы чалавек. Гэта Валеры Сядоў. Некалі ён быў вельмі вядомым дзеячам Народнага Фронту. Мужны, рашучы, бескампрамісны, ён трымаў палітычную галадоўку ў турме ў 1991 годзе. Савецкі тады яшчэ рэжым спрабаваў абвінаваціць яго ў тым, што падчас знакамітага антыкамуністычнага мітынгу ў Менску (7 лістапада 1990 г. ) ён узьняў Бел-Чырвона-Белы Сьцяг над помнікам Леніну і гэтым “пашкодзіў помнік культуры”. Яго ўдалося тады вызваліць з турмы з дапамогай міжнароднай грамадзкасьці. А тут і СССР ляснуў. В. Сядоў пазьней адышоў ад Фронту, але заставаўся ў памяці фронтаўцаў як прыклад мужнасьці. І вось мы раптам бачым, як ён стаіць і вымушаны быццам бы слухаць пазіраванае гаварэньне вядомага правакатара Сіўчыка. Абсурд нейкі. Але тэхналёгія правакацыйнай публікі вядомая – заскочыць, забегчы і засьвяціцца. Ян Булыга 30/10/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
