Заява з нагоды падзеяў ва Ўкраіне

Мы, прадстаўнікі антысавецкіх і антыкамуністычных рухаў, якія выпрабавалі на сябе бязьлітаснасьць рэпрэсіўнага рэжыму камуністычнага таталітарызма і прыгнёт савецкай імпэрыі, але ніколі не спынялі барацьбу за справядлівасьць, асуджаем варварскі разгон кіраўнікамі Ўкраіны мірных дэманстрантаў на Майдане ў Кіеве і заяўляем аб нашай поўнай падтрымцы арганізатарам і ўдзельнікам акцый. Мы цалкам спачуваем ім, падтрымліваем іхнія патрабаваньні і выказваем салідарнасьць зь іхнім пратэстам, бо лічым, што незалежнасьць, свабода і правы чалавека – гэта вышэйшыя каштоўнасьці, за якія безумоўна варта змагацца і ахвяравацца.

Мы заклікаем кіраўнікоў дзяржаваў вольнага сьвету прыкласьці ўсе намаганьні дзеля таго, каб пазьбегнуць далейшага ўжываньня гвалту супраць дэманстрантаў і запабегчы ўсталяваньню таталітарнага кіраваньня ва Ўкраіне.

Мы хочам адмыслова падкрэсьліць, што ў працэсах ва Ўкраіне выразна прасочваецца імкненьне кіраўніцтва Расеі аднавіць імпэрыю ў межах былога савецкага «усходняга блоку», з выкарыстаньнем для гэтага любых палітычных, эканамічных і ваенна-правакацыйных мэтадаў. Калі Расея здолее ўсталяваць ва Ўкраіне рэжым, аналагічны беларускаму, гэта ня толькі стане перашкодай для разьвіцьця дэмакратычных працэсаў ва Ўкраіне і ў іншых былых савецкіх рэспубліках, але й створыць умовы для таго, каб над Эўропай зноўку апусьцілася жалезная заслона і сьвет вярнуўся ў эпоху халоднай вайны.

Мы заклікаем увесь цывілізаваны сьвет, усіх, для каго незалежнасьць, воля і справядлівасьць зьяўляюцца важнейшымі каштоўнасьцямі, усіх, хто лічыць, што бясьпека сьвета павінна грунтавацца на справядлівасьці, а не на ўжываньні гвалту, праявіць салідарнасьць і актыўна падтрымаць людзей, што выйшлі на вуліцы Кіева змагацца за дэмакратыю і свабоду. Кремль павінен убачыць, што ўвесь цывілізаваны сьвет стаіць побач з маніфэстантамі і што няма альтэрнатывы разьвіцьцю дэмакратыі на ўсходнім накірунку!

Мы зьвяртаемся да ўладаў Украіны з заклікам адмовіцца ад ужываньня грубага гвалту і прыслухацца да голаса народа.

Жыве Ўкраіна!

2 сьнежня 2013 г.

******************************

Гэтую заяву напісалі і пачалі распаўсюджваць грузінскія патрыёты, салідарныя з барацьбой украінскага народа. Заява распаўсюджваецца па ўсёй Эўропе.

Заяву ўжо падпісалі:

Лагле Парэк – Эстонія. Былая палітзьняволеная, удзельніца нацыянальна-вызвольнага змаганьня, старшыня Партыі Нацыянальнай Незалежнасьці Эстоніі

Трывімі Вэлістэ – Эстонія. Міністар замежных справаў Эстоніі (1992-94), дэпутата Парляманту Эстоніі, прэзыдэнт Балтыйскай Асамблеі.

Хэйкі Аханэн – Эстонія. Былы палітзьняволены, удзельнік нацыянальна-вызвольнага змаганьня.

Калью Мэцік – Эстонія. Былы палітзьняволены, адзін з заснавальнікаў Партыі Нацыянальнай Незалежнасьці Эстоніі.

Кале Юргэнсан – Эстонія. Дэпутат Парляманту Эстоніі.

Юрыс Путрыньш – Латвія. Старшыня Таварыства Яніса Чаквэ.

Вардан Аруцюнян – Арменія. Былы палітзьняволены, старшыня Цэнтра правоў і свабоды.

Разьмік Маркасян – Арменія. Былы палітзьняволены.

Азат Аршакян – Арменія. Былы палітзьняволены.

Паруйр Айрыкян – Арменія. Былы палітзьняволены, прэзыдэнт каардынацыйнага цэнтра дэмакратычных рухаў у СССР “Дэмакратыя і незалежнасьць”.

Антанас Цярлецкас – Летува.

Альфонсас Сварынскас – Летува.

Баліс Гаяўскас – Летува.

Фэліц’я Ніёлэ Садунайтэ – Летува.

Андрус Тучкус – Летува.

Леанардас Вілкас – Летува.

Аляксандр Падрабінэк – Расея.

Гурам Сасэлія – Грузія.

Давід Бэрдзэнішвілі – Грузія. Былы палітзьняволены.

Вахтанг Дзабірадзэ – Грузія. Былы палітзьняволены.

Тарыэл Гвініяшвілі – Грузія. Былы палітзьняволены.

Ядвіга Хмялёўска – Польшча.

Пётр Хлябовіч – Польшча.

Кароль Гвазьдзевіч – Польшча.

Зянон Пазьняк – Беларусь.

Валеры Буйвал – Беларусь.

Сяргей Папкоў – Беларусь.

Збор подпісаў працягваецца.

5/12/2013 › Навіны