Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
5 сьнежня польская газэта “Rzeczpospolita” апублікавала артыкул пад тытулам “Расейскія дыпламаты ў ЗША кралі сацыяльную дапамогу”. Вось гэты артыкул: Інфармацыю пра сьледства сёньня абвясьціла сама пракуратура Нью Ёрка. Паводле пракуратуры, расейцы прысабечылі ня менш за 1,5 млн даляраў з Medicaid – ўрадавай праграмы падтрымкі аховы здароўя для найбяднейшых амэрыканцаў. Акт абвінавачваньня з лістапада знаходзіцца ў фэдэральным судзе на Манхэтане. Расейцы пісалі ў ньюёркскіх шпіталях заявы на фінансавую дапамогу пры цяжарнасьцях, родах і па апецы за нованароджаным. На аснове міжнародных пагадненьняў ня ўсе дыпламаты мелі права на такую фінансавую дапамогу, таму частка падавала несапраўдныя дадзеныя аб сваім дыпламатычным статусе. Усе яны павінны былі, аднак, адпаведна заявіць пра нізкія даходы. ФБР высьветліла тым часам, што дыпламаты, згаданыя ў акце абвінавачваньня, у той самы пэрыяд, калі падавалі гэтыя заявы, куплялі дарагія гадзіньнікі, біжутэрыю, абутак, адзежу і інш. за тысячы даляраў. Цімур Саламацін, былы сакратар місіі Расеі пры ААН, напрыклад, падаў у шпіталі, што зарабляе 3 тыс. даляраў штомесяц. У сапраўднасьці ён зарабляў 5,2 тыс. даляраў. Іншы дыпламат дзякуючы падачы несапраўднай сумы заробкаў атрымаў на працягу трох гадоў дапамогу ў выглядзе вітамінаў і спэцхарчаваньня на суму ў 23 тыс. даляраў. ФБР паведамляе ў акце абвінавачваньня, што ў 2004-2013 гадах у сем’ях расейскіх дыпламатаў у Нью Ёрку нарадзілася 63 дзіця. Пры 58 родах бацькі падалі заяву і атрымалі фінансавую дапамогу з Medicaid. Зразумела, ніводзін з дыпламатаў не стане перад судом, бо іх абараняе дыпламатычны імунітэт. У сьнежні 2012 г. прэзыдэнт Уладзімір Пуцін падпісаў распараджэньне, якім забараняўся ўезд на тэрыторыю Расеі некаторым амэрыканскім чыноўнікам. У гэтым сьпісе знаходзіцца сярод іншых пракурор Нью Ёрка, які на працягу апошніх двух гадоў вядзе сьледства ў справе падману з боку дыпламатаў. Безумоўна, справа будзе мець працяг. Публічны акт абвінавачваньня зьяўляецца ганебным для расейскай дыпламатыі. Таму амаль напэўна расейцы адкажуць падобным крокам. Пераклаў з польскай В. Буйвал Крыніца: http://www.rp.pl/artykul/11,1070317-Rosyjscy-dyplomaci-okradali-pomoc-spoleczna.html 8/12/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
