Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Румынская рэвалюцыя была апошняй яркай падзеяй 1989 года. А падзей тады было шмат, цэлая сэрыя. Валілася зьнешняя савецкая імпэрыя (“сацыялістычны лягер”). У кастрычніку ў выніку “аксамітнай рэвалюцыі” чэхі і славакі скінулі ўладу прамаскоўскай камуны. У лістападзе абрынуўся Берлінскі Мур і разам зь ім рэжым сталінскага бальшавіка Хонэкэра. І вось 17-18 сьнежня пачалі паступаць зьвесткі пра народнае рушэньне ў Румыніі. Спачатку ў Трансільваніі людзі выйшлі на вуліцы, пратэстуючы супраць арышту спэцслужбамі папулярнага пратэстанцкага сьвятара. Чаўшэску з сваім палітбюро загадалі страляць па мірных дэманстрацыях. А ў Бухарэсьце яны загадалі сагнаць людзей на “мітынг падтрымкі” сваёй злачыннай улады. Але сотні тысячаў людзей пасярод прамовы тырана пачалі крычаць яму праклёны і пагналі яго прэч. Проста з “мітынга падтрымкі” Чаўшэску з жонкай уцяклі на верталёце. Іх злавілі праз два дні і пасьля кароткага паседжаньня трыбунала расстралялі. У Бухарэсьце на працягу трох дзён адбываліся баі. Аддзелы Securitate паспрабавалі перайсьці ў наступ і здушыць рэвалюцыю. Але Нацыянальная армія адразу стала на бок народа. Армія і паліцыя адкрылі свае арсэналы, і румынскія мужчыны ўзброіліся. Быў утвораны Ўрад нацыянальнага выратаваньня, які заклікаў да супраціву тыраніі і пачаў кіраваць паўстаньнем. Пасьля таго, як людзі ўбачылі, як зьверствуе мясцовае гэбэ, яны заявілі на мітынгах: “Сьмерць за сьмерць!” Ураду давялося прыкласьці шмат намаганьняў, каб пераканаць паўстанцаў, што трэба браць палонных. Ужо 22 сьнежня рэвалюцыя завершылася перамогай. Дзікі чаўшызм быў разгромлены. Краіна пайшла цывілізаваным, дэмакратычным шляхам разьвіцьця. Валеры Буйвал http://adevarul.ro/news/bucuresti/22-decembrie-1989-1_52b5f013c7b855ff56e88282/index.html#tab-comentarii 26/12/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
