Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Захад і Эўропа могуць зьняць забарону на продаж іранскай нафты, абваліць кошты на яе і, такім чынам разбурыць Расею. Пра гэта ў камэнтары Gordonua.com заявіў экспэрт па энэргетычных пытаньнях, былы ўпаўнаважаны Прэзыдэнта Украіны па міжнародных пытаньнях энэргетычнай бясьпекі Багдан Сакалоўскі. “Сцэнар зьняцьця санкцый з Ірана на забарону продажу нафты вельмі рэальны. Тым больш, што Іран зусім нядаўна абвясьціў аб спыненьні сваіх ядзерных праграм. Безумоўна, гэта вельмі моцна ўдарыць па Расеі. А калі пусьціць Іран зь ягонай нафтай на сусьветны рынак, то ён абваліць кошты на нафту, у тым ліку і расейскія”, — упэўнены экспэрт. Сакалоўскі мяркуе, што ЗША ўжо пачалі падрыхтоўку да такога сцэнару. “Незаўважанай прайшла інфармацыя аб тым, што ЗША раскансэрвавалі свой стратэгічны нафтавы запас. Гэта была своеасаблівая спроба, таму што Іран здольны зрабіць вельмі вялікую прапанову на рынку нафты, здольны абваліць кошты”. Нагадаем, 13 сакавіка стала вядома, што Дэпартамэнт энэргетыкі ўраду ЗША мае намер прадаць 5 млн барэляў нафты з стратэгічных дзяржаўных запасаў. Зьвесткі пра гэтае рашэньне “aпусьцілі” кошт на сырую нафту на Нью Ёрскай біржы на 2%. Экспэрт адзначае, што сьвет ужо праходзіў падобную практыку, калі развальваўся СССР. “Брэжнеў пабудаваў вельмі шмат нафтаправодаў і думаў, што будзе жыць вечна. А ў выніку Захад абваліў кошты і СССР спыніў існаваньне. З 2009 года па такім шляху йдзе й Расея”, — перакананы Сакалоўскі. 17.03.2014 Пераклад з расейскай. Крыніца: http://gordonua.com/news/money/Sokolovskiy-Esli-Zapad-pustit-na-rynok-iranskuyu-neft-eto-razvalit-Rossiyu-14216.html 29/3/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
