Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Спыніць генацыд беларускага народу можа толькі зьмена палітычнай улады ў краіне (Заява) Апошнім часам беларускае грамадзтва моцна ўзрушылі трагічныя выпадкі сярод дзяцей і моладзі зьвязаныя з ўжываньнем сынтэтычных наркотыкаў кшталту “спайс” і “марачкі”. Вядома, што атрута, якая забірае жыцьці і здароўе малодага пакаленьня, ідзе патокам з тэрыторыі Расеі, краіны, зь якой прамаскоўскі рэжым Лукашэнкі скасаваў мытны і памежны кантроль. У той жа час ня чутно пра дзейсныя меры з боку рэжыма па ўсталяваньні кантролю на беларуска-расейскай мяжы, ці пра судовыя працэсы над гандлярымі наркотыкамі і наркабаронамі. Але трагедыя, якую перажываюць беларусы, палягае ня толькі ў тым, што ідзе наркатычная навала з усходу. Прамаскоўскі рэжым ужо 20 гадоў сыстэмна і пасьлядоўна вядзе палітыку генацыду супраць беларусаў. Вырошчваецца сельскагаспадарчая прадукцыя на забруджаных радыяцыяй тэрыторыях, у выніку спажываньня людзьмі атручаных прадуктаў катастрафічна павялічваецца колькасьць анкалагічных захворваньняў, людзі паміраюць, нішчыцца генафонд народу. Вялізарных памераў набыла алкагалізацыя насельніцтва. Спажываньне алкаголю ў пераліку на чысты сьпірт вырасла, з разьліку на аднаго чалавека, амаль у два разы — з 8 літраў у 1994 годзе да 15 літраў у 2013 годзе. Ідзе разбурэньне эканомікі краіны, вынішчэньне нацыянальных каштоўнасьцяў — маралі, мовы, культуры. Нягледзячы на відавочную палітыку чужога рэжыма накіраваную на вынішчэньне нацыі, бальшыня беларусаў не гатовая псыхалагічна прыняць ісьціну, што палітыка вынішчэньня праводзіцца сьведама. У гэтай сувязі мы зьвяртаем увагу на тыя факты, што сталі вядомыя пасьля падзеньня прамаскоўскага рэжыму Януковіча ва Ўкраіне. Згаданы рэжым сьведама, па непасрэдных указаньнях Масквы, разбураў нацыянальную бясьпеку, узброеныя сілы, эканоміку, нацыянальную тоеснасьць украінцаў. Маштабы падрыўной работы Масквы супраць украінцаў уражваюць. Калі ў 1930-я гады Масква вынішчала беларусаў і украінцаў у шматлікіх курапатах і галадаморам, то цяпер палітыка вынішчэньня вядзецца праз наркалізацыю, алкагалізацыю, чарнобыльскую атруту; поўнамасштабна ўжываецца інфармацыйная зброя. Мы зьвяртаем увагу беларусаў на тое, што вырашэньне пытаньня жыцьця і здароўя нацыі сёньня палягае ў палітычным рэчышчы — толькі свая, уласна беларуская ўлада, можа даць беларускаму народу пэрспэктыву здаровага і заможнага жыцьця. Зьмена чужога, варожага беларусам палітычнага рэжыму на сваю беларускую ўладу сёньня ёсьць галоўнай задачай беларускага народу. ( Х Зьезд КХП-БНФ і ХІІ Зьезд БНФ “Адраджэньне”) 28/4/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
