Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
На наступны дзень пасьля 22 чэрвеня (“день вероломного нападения на СССР”) у Менску мабілізавалі настаўніц і школьнікаў хадзіць па кватэрах. Яны стукаліся ў дзьверы паводле сьпісаў асобаў пажылога ўзросту. Вэтэранаў “ВОВ” практычна не засталося, то віншавалі ўсіх, хто нарадзіўся да вайны. Калі ня ўсіх дык многіх, асабліва інвалідаў. Дзеці давалі пажылым або іхнім сем’ям па тры чырвоныя гвазьдзікі і стылізаваны “фронтовой треугольнік”. Кветкі былі больш менш адэкватным элемэнтам праграмы. Хаця ўзьнікае пытаньне і нават два пытаньні. Па-першае, з чым гэта віншаваць – з гадавінай пачатку вайны 1941 года? Па-другое, для беларусаў вайна пачалася 1 верасьня 1939 года атакай нямецкай арміі на Польшчу (80 тысячаў беларускіх афіцэраў і жаўнераў у Войску Польскім з першага дня ваявалі супраць немцаў, гарады Заходняй Беларусі бамбавала нямецкая авіяцыя). Але самым недарэчным у “віншаваньні” была стылізацыя пад ваенна-палявую пошту. Можа хто ня ведае пра згаданыя “треугольнікі”. Франтавікі, паводле загаду, пасылалі ў тыл свае лісты не ў капэртах, а складвалі іх замкнёным трохкутнікам, які магла лёгка раскрыць і прачытаць ваенная цэнзура. У сем’ях, нераўнадушных да памяці, захоўваюцца такія рэліквіі. Гэтым разам стылізацыя была безгустоўнай і фальшывай. Адваротным адрасам была пазначана “Администрация президента РБ”, а сам “ліст” быў за подпісам А. Лукашэнкі. Зьмест віншаванкі быў звычайны: прытарны фальш і хлусьлівыя абяцанкі. Можа стомленыя жыцьцём людзі і забыліся, але мы памятаем, што такое згаданы адрасат. У лістападзе 1996 года ён даў інтэрв’ю адной нямецкай газэце і ад душы пахваліў Адольфа Гітлера, “который очень много хорошего сделал для немецкой націі”. Сучасныя немцы, аднак, “душэўнасьць” маналагіста не ацанілі і ў папяровым выданьні “Handelsblat” гэты пасаж аматара Гітлера не зьмясьцілі. Затое па рэспубліканскім радыё РБ прамова Лукашэнкі была пададзена цалкам. Людзі яе пачулі і зрабілі радыёзапіс. Так што не адкруцішся. Вядома, што іншым разам на сустрэчы з вэтэранамі згаданы маналагіст (1954 г. нар.) заявіў: “Да, товарішчі, мой отец тоже погіб на войне…” Перавернуты сьвет існуе ў Беларусі ўжо 20 гадоў. Мільёны людзей стаміліся жыць стоячы на галаве, некаторыя, праўда, прызвычаяліся… Сяргей Камароўскі 28/6/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
