Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
29 ліпеня “дэмСМІ” РБ паведамілі пра затрыманьне “актывіста “Альтэрнатывы” Ільлі Дабратвора”. Яго апэратыўна судзілі ў судзе Маскоўскага раёну і далі 14 сутак адміністрацыйнага арышту. Кіраўнік гэтай “Альтэрнатывы” Алег Корбан выказаў меркаваньне, што Дабратвора затрымалі ў Доме правасуддзя, куды ён зьявіўся на працэс над А. Бандарэнкам і меў на сабе майку з выявай Пагоні і надпісам “Свабоду палітвязьням”. Гэта ўжо ня першы такі “подзьвіг” дзеячаў згаданай “Альтэрнатывы”. Дагэтуль, праўда, невядома, што за “альтэрнатыву” прапануюць А. Корбан з сваімі падначаленымі беларускаму грамадзтву. Але гэта ня важна. Важна, што іх хапаюць і судзяць. Ёсьць пра што пісаць згаданым “дэмСМІ”. “У страны есть героі” і г.д. Паводзіны гэтай маладзёвай публікі можна кваліфікаваць (паводле псіхіятрычнай лексікі) як “дэманстрацыйныя”. Гэта значыць як разьлічаныя на выключна зьнешні эфэкт – такое ў народзе называецца “пшыкам”. Зразумела, што маладзён Дабратвор адмыслова зьявіўся ў залі суда, каб яго заўважылі, схапілі і пасадзілі. Ён прыйшоў туды не для таго, каб падтрымаць праваабаронцу А. Бандарэнку, а каб засьвяціцца самому. Яго й засьвяцілі. Нагадаем перадгісторыю гэтай “Альтэрнатывы”. А. Корбан вырас з маладзёвай арганізацыі Лябедзькаўскай АГП, раней быў у структуры пад назовам “Малады Фронт” (як вядома, даўно інфільтраванай і разваленай агентурай рэжыму). Хто і што кіруе гэтымі структурамі, даўно вядома. Адсюль і бязглуздыя (на першы погляд) дзеяньні, заявы і спэцэфэкты. Сутнасьць дзейнасьці гэтай публікі заключаецца ў стварэньні стэрэатыпаў для патрыятычнай беларускай моладзі. Замест таго, каб распаўсюджваць праўдзівую інфармацыю пра падзеі ва Украіне (самая актуальная цяпер тэма) сярод падманутага маскоўскай гёбэльсаўшчынай беларускага грамадзтва, корбаны-дабратворы раскручваюць сваю “гульню Зарніцу” і заклікаюць далучацца да яе юнакам і дзяўчатам. Замест арганізаваных, дыскрэтных дзеяньняў, патрыётам прапануюцца эгсгібіцыянісцкія дзеі, якія абавязкава завяршаюцца арыштам і адсідкай. Зашмальцаваную калоду “дэманстрацыйных герояў” увесь час тусуюць. Даўно ўжо нешта не чуваць пра маскоўскага гастралёра Макса Вінярскага, пра “чалавека-майку” з Гомеля і некаторых іншых. Палачка ад папа-Гапона перадаецца наступным удзельнікам спаборніцтва-забегу на кароткай дыстанцыі. Яны прабягуцца на хвалі “дэмСМІ” і зьнікнуць на пэўны час, саступіўшы месца такім жа падсадным і фальшывым. Беларуская моладзь, ёсьць просьба трымацца падалей ад гэтых правакатараў. Сяргей Камароўскі 4/8/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
