Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Заўважана, што мясцовыя і нават заходнія “дэмСМІ” рэгулярна арганізоўваюць “канцэрт па заяўках” з удзелам аднаго выканаўцы – міністра МЗС РБ тав. Макея. Ён прадстаўляецца імі у амплуа “самага чалавечнага чалавека” з салодкай усьмешкай і эўрапеіднай дыпламатычнай лексікай. Робіцца нават празрысты намёк: “паглядзіце на яго, паслухайце, — якая была б інтэлігентная альтэрнатыва грубаму і некультурнаму начальніку рэжыма”. Так нядаўна тав. Макея прымалі ў Брусэлі і Вільні, ветліва раіліся зь ім пра дэмакратыю і Усходняе партнёрства. Дзяжурны па Эўразьвязу міністар зь Летувы прыязджаў у Менск і таксама меў культурную гамонку з “альтэрнатывай Лукашэнку” і псэўдаапазыцыяй. Усё было так гарманічна і папахвала адлігай. І вось табе на! Тав. Макей перастаў усьміхацца, насупоніўся і раптам урэзаў па ЗША і Эўразьвязу. Усё за яе, за родную яму Расею. Ён камэнтаваў заходнія санкцыі супраць Масквы – падпальшчыцы вайны і агрэсара ва Украіне: “Санкцыі, пагроза, шантаж – гэта адлюстраваньне пячорнага мысьленьня некаторых палітыкаў. Расея – магутная эканамічная дзяржава. І калі, крый Божа, абваліцца эканоміка Расеі, то я думаю, эканоміцы Эўропы таксама не паздаровіцца. Эўрапейцы павінны пралічваць выразна ўсе варыянты… каб гэтыя рашэньні не абярнуліся супраць іх самых”. Вось гэта па-нашанску, па-маскоўску! Лаўрову нават слабо. І становіцца ўсё на свае месцы: і рэжым, і дзяжурныя па ЭЗ, і грантаўская “оппозіція” (якая павінна ратаваць маленькія прыбалтыйскія краіны ў выпадку маштабнага нашэсьця маскоўскай арды). Але пачытаць цікава. Альтэрнатыва начальніку рэжыма называе Расею “магутнай”. І ў той жа час не скідае з рахункаў, што яна можа бац – і “абваліцца”. Мацёры чалавечышча, Ленінскі розум. З такім трэба лічыцца… Сяргей Камароўскі 4/8/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
