Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Заблудзіўшыся выходзяць на дарогу Такое й Чарлі Чапліну ня сьнілася. Але ягоныя пасьлядоўнікі ў псэўдаапазыцыйнай дзейнасьці гэтым не сумеюцца і арганізоўваюць чарговую клаўнаду, гэтым разам на аўтастрадах. Клаўнада называецца патэтычна – “Стоп імпэрыя”. Начальнік групы пад назовам “Малады Фронт” З. Дашкевіч заявіў “белрэдакцыі” Радыё Свабода, што зьбіраецца змагацца з вывешваньнем расейскіх “георгіеўскіх стужачак” на аўтамабілях, бо яны – “сымвалы акупацыі”. Цытуем далей: “Ёсьць юрыдычныя мэханізмы, якія дазваляюць пазбавіцца гэтага агітпропу — гэта звароты ў ДАІ, бо паводле правілаў дарожнага руху завешваць лабавое шкло якімі-кольвечы рэчамі забаронена. Маладафронтаўцы ў Менску і ў іншых гарадах Беларусі будуць па меры магчымасьці фатаграфаваць, запісваць нумары аўтамабіляў з расейскай атрыбутыкай, і будзем зьвяртацца ў ДАІ. Па меры адказаў ДАІ мы будзем інфармаваць грамадзтва пра вынікі”, — распавёў Дашкевіч. Бачна, што ў наяўнасьці аднаўленьне практыкі бязглуздых “моб-шмобаў” (флэш-мобаў). Толькі цяпер зь “юрыдычнай” напханкай. Група мясцовага Чарлі будзе гераічна змагацца з сымваламі акупацыі, апэлюючы да акупанцкай улады. Зброяй ім паслужаць звароты ў адну з кантораў гэтай самай акупацыі. Гэта ўсяроўна як бы беларускія падпольшчыкі насілі свае скаргі на гітлерскія сьцягі ў мясцовае аддзяленьне якой-небудзь нямецкай канторы. Калі б тады так рабілі, то нямецкая акупацыя, напэўна, працягвалася б дагэтуль. Зразумела, што не наш Чарлі і не ягоныя клоўны дадумаліся да такой “барбы”. Вытанчаны (як некаму здаецца) спосаб прафанацыі змаганьня – гэта, безумоўна, задумка тых, хто стаіць за гэтай ініцыятывай. Ян Булыга 1/10/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
