Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
КІЙКО Рыгор Іванавіч (1950 – 3.10.2014) Пасьля цяжкой хваробы памёр наш дарагі сябра Рыгор Кійко. Таленавіты майстра дэкаратыўна-прыкладнога мастацтва, ён, як і многія іншыя творцы, з першых дзён фронтаўскага руху далучыўся да змаганьня за вольную Бацькаўшчыну. У шэрагах Кансэрватыўна-Хрысьціянскай Партыі – БНФ раскрыліся яго высокія чалавечыя якасьці. У самыя драматычныя моманты Рыгор быў наперадзе, бараніў ад рэжымнай паліцэйшчыны Бел-Чырвона-Белы Сьцяг і людзей, што патрапілі ў бяду. Ён быў сярод тых фронтаўцаў, якія пачалі вырабляць крыжы і ставіць іх падчас рэжымнага варварскага наступу на Народны Мэмарыял у Курапатах у 2001 годзе. Ён быў у ланцугу першых абаронцаў, якія закрылі сабой дарогу на Сьвятыню перад дзікай паліцэйшчынай і гэбоўшчынай. Прыслужнікі рэжыму схапілі і катавалі яго ў Курапатах. Рыгор быў арыштаваны таксама ў дні народнай абароны Беларусі ўвосень 1996 года. У турме ён падтрымліваў іншых вязьняў, натхняў іх і надаваў духоўнай моцы. Творчасьць Рыгора поўная гармоніі і любові да народнай традыцыі. Не выпадкова ягоную выставу 1997 года ў Чырвоным касьцёле ў Менску сябры назвалі – “Беларускі космас”. Чалавек адышоў у вечнасьць, але мастак застаўся. Засталіся ягоныя творы – багатая вобразамі і пластычнымі знаходкамі кераміка. Засталася памяць пра нашага сябра – адданага жаўнера нашага народнага змаганьня за Беларусь. Выказваем свае спачуваньні сям’і нябожчыка. Сябры Кансэрватыўна-Хрысьціянскай Партыі – БНФ 3 кастрычніка 2014 г. 3/10/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
