Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Такім чынам ён для іх «прэзыдэнт». Яны доўга круціліся, як вуж на патэльні. Выкарыстоўвалі розныя амаль-эўфэмізмы, спрабавалі “захаваць твар” і г.д. І вось настаў час, калі яны ўрэшце “здаліся” і перасталі прыкідвацца прынцыповымі. І здавалася б, ну і што, усяго адно слоўца! Але справа ў тым, што яно ключавое і выведзена ў тытул кароннага матэр’яла зьявы пад гістарычным назовам “белрэдакцыя” Радыё Свабода. Прапануем пачытаць-паслухаць: “Што мы ведаем пра здароўе прэзыдэнта” за 23 лістапада сёлета. Такім чынам ён для іх «прэзыдэнт». Маецца на ўвазе інфармацыя пра таго, каго культурныя і здольныя на мысьленьне беларусы з самага першага дня апошняга дваццацігоддзя спакойна і без эмоцый называюць узурпатарам прэзыдэнцкай улады ў Беларусі. Што здарылася? Ды нічога. Гэтая “агаворка” – у адным шэрагу зь іншымі “ляпамі” апошняга часу. Вось 2 лістапада рэпарцёрская група “белрэдакцыі” маршыравала разам з калонай патрыётаў па Менску на Дзяды. А як толькі прышлі ў Курапаты і распачаўся мэмарыяльны мітынг, у свабодаўскіх “рэпарцёраў” адразу “селі акумулятары” і яны, як зайцы, пабеглі прэч з тэрыторыі Народнага мэмарыялу. У Лошыцкі яр яны з патрыётамі ўжо зусім не хадзілі, задаволіліся слабавучнёўскім “перадзіраньнем” чужой інфармацыі. На нашых вачах адбываецца стадыя антыэвалюцыі некалі сапраўды дэмакратычных і патрыятычных зьяваў у інфармацыйный прасторы Беларусі. Які будзе фінал гэтай стадыі? А вось які: “Президент вручил руководству белорусской редакции Радио Свобода ценные подарки и именные часы. Лауреатов тепло поздравил посол России, высказав уверенность в продолжении плодотворного сотрудничества”. Як кажуць кемлівыя палякі: “Amen i kropka”. Сымон Рудзік 27/11/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
