Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Зянон Пазьняк 5 сьнежня 2014 г. Сп.сп. Радзіму Гарэцкаму, Уладзімеру Коласу, Уладзімеру Арлову, Глыбокапаважаныя спадарыні і спадары, Другога сьнежня быў апублікаваны праект Маніфэсту ў абарону Незалежнасьці Беларусі. Тэкст у дэклярацыйна-пастановачнай частцы адлюстроўвае асноўныя пагрозы Незалежнасьці, якія ўзьніклі ў цяперашні час. Прапановы па ліквідацыі небясьпекі суверэнітэту (улічваючы сацыяльна-палітычныя абставіны) таксама лагічныя і адпаведныя разумнаму падыходу. Тут адна заўвага. Зыходзячы з духу Маніфэсту, у абзацы, дзе гаворыцца, што дамовы, якія былі заключаны з парушэньнем Канстытуцыі, “павінны быць перагледжаны”, прапаную дадаць словы “і адменены”. Тым часам ва ўводна-гістарычнай частцы тэксту ёсьць вялікае (і нават парадаксальнае ў гэтым кантэксьце) упушчэньне. Неадлюстравана самая галоўная падзея ХХ-га стагоддзя ў жыцьці нацыі, якая рэальна зрабіла Беларусь незалежнай краінай, сувэрэнным суб’ектам міжнароднай супольнасьці і міжнароднага права. Уласна тое, дзеля чаго падрыхтаваны гэты Маніфэст. Выпраўленьне недахопу тут (у такога роду дакуманце) абавязковае і мусіць быць дакладным. Уводна-гістарычную частку ў абзацы, які пачынаецца са словаў: “Мы нагадваем…”, прапаную прыняць у наступнай рэдакцыі: “Мы нагадваем, што Незалежнасьць Беларусі ў якасьці Беларускай Народнай Рэспублікі (БНР) была аб’яўлена 25 Сакавіка 1918 года, сувэрэнітэт Беларускай Савецкай Сацыялістычнай Рэспублікі (БССР) быў абвешчаны 27 ліпеня 1990 года ў Дэклярацыі Вярхоўнага Савета «Аб дзяржаўным суверэнітэце Беларускай ССР”, якой 25 Жніўня 1991 года быў нададзены статус Канстытуцыйнага Закона Вярхоўным Саветам, які абвясьціў гэтым Незалежнасьць Беларусі. Краіна набыла сучасную назву “Рэспубліка Беларусь” і прызнаная ўсім сьветам як суб’ект міжнароднага права.” Далейшыя спасылкі ў тэксьце Маніфэста на Дэклярацыю мусяць ісьці як на Канстытуцыйны закон (ад 25.08.1991). Незабывайма, што Дэклярацыя 27 ліпеня 1990 г. мела асьветніцка-палітычнае, ідэалагічнае значэньне, яна была важным крокам да Незалежнасьці, але рэальна нічога не зьмяняла да 25 Жніўня 1991 г. пакуль ня стала канстытуцыйным законам. Лёс незалежнасьці вызначыўся 25 Жніўня 1991 года ў напружаных палітычых абставінах і ў выніковай беларускай барацьбе пры падтрымцы грамадзтва. Мяркую, што Маніфэст своечасовы і нагадае беларусам аб вялікай каштоўнасьці незалежнага дзяржаўнага існаваньня і аб сур’ёзнай пагрозе ўсяму народу з боку сілаў імпэрскай рэакцыі і вайны. Зянон Пазьняк 20/12/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
