Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Дарагі сябра! Беларуская Народная Рэспубліка была ўтворана 9 сакавіка 1918 года ў вельмі цяжкіх умовах Першай Сусьветнай вайны і нямецкай акупацыі. Немцы не падтрымлівалі незалежнасьці Беларусі і салідарызаваліся супраць Беларусі разам з расейцамі, зь якімі падпісалі мірную дамову ў Берасьці і падзялілі Беларусь на зоны акупацыі. У адказ на дзеяньні немцаў і расейцаў беларусы 25 Сакавіка 1918 года аб’явілі Незалежнасьць БНР. Вось гэтую вялікую гістарычную дату, 25 Сакавіка, мы, вольныя беларусы, сьвяткуем як нацыянальнае сьвята. У канцы 1918 года Беларусь акупавалі расейскія бальшавікі і, насуперак незалежнай БНР, скарыстаўшы беларускіх сацыялістаў, стварылі БССР са сталіцай у знакамітым беларускім Смаленску. Але потым рускія захапілі Смаленск, а ўрад БССР пераехаў у Менск. Пры савецкай акупацыі нават успамінаньне пра БНР было забаронена. Але беларускія патрыёты (і найперш – Беларускі Народны Фронт) вярнулі памяць і пашану БНР. 25 Жніўня 1991 года яны, пры падтрымцы ўсяго беларускага грамадзтва, дамагліся Незалежнасьці Беларусі і стварылі незалежную Рэспубліку Беларусь. Беларускі нацыянальны Бел-Чырвона-Белы Сьцяг Волі, падняты 25-га Сакавіка 1918 года, быў падхоплены 25-га Жніўня 1991 года і ўзьняты высока над нашай незалежнай Айчынай. 25 Сакавіка 1918 года – гэта пачатак нашай народнай свабоды і ідэі дзяржаўнай незалежнасьці. Памятайма і шануйма Дзень 25-га Сакавіка – Дзень Волі і гістарычнае сьвята беларускага народа. Сакавік 2015 год Ініцыятыва “Беларуская Салідарнасьць” Паважаныя сябры, гэты тэкст улёткі прапануецца для распаўсюджваньня. Павіншуйце са сьвятам беларусаў у сваім асяродку.. Вось тэкст для раздрукоўкі: vbs.pdf 23/3/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
