Bielarus.net › Беларуская Салідарнасьць

Апалогія брыдоты

Што такое акупанцкамоўны рэсурс “Белорусский партизан” многія беларусы ўжо здагадаліся. Але многія яшчэ не здагадаліся і працягваюць спасылацца на яго як на адэкватную крыніцу інфармацыі для тых, хто хоча знаць праўду.

“Шэдэўр” маладой асобы пад нікам «Стас Карпов» (http://www.belaruspartisan.org/opinions/296520/)
з гэтага рэсурсу выкананы ў манеры “іранічнага маналога на публіку”. Чаго тут шмат, дык гэта развязанасьці і цынізму . Такі тэкст можа ўзьнікнуць толькі ў выніку сытага, забясьпечанага існаваньня ва ўмовах акупацыйнага рэжыму. Аўтар некалькі разоў падкрэсьлівае, што ня хоча і іншым не раіць змагацца супраць гэтага рэжыму. Адчуваецца, што ён кладзецца ў каляіну, вызначаную апошнім часам прапаганд-лукашызмам. Усё гэта з мутнай палітры, якой малююцца карыкатуры на Гэрб Пагоня і сапраўдных палітычных аўтарытэтаў нацыі. Аўтар нават Васіля Быкава ўбрыкнуў. Гэта яму дастаўляе камфорт, як і ягонаму вышэйшаму шэфу Лукашэнку «со товарішчі».

Мэтай маналога ў разьвязным стыле ёсьць грунтоўная дэзарыентацыя моладзі. Маўляў, давайце дзейнічаць “хіпова”, “пантова”, у “вышыванках”. Абы толькі ня ўдзельнічаць у патрыятычных мерапрыемствах, Быкава не чытаць і Пазьняка ня слухаць – бо “ад іх параза”. Такое ў падручніках для рэжымных агітатараў і супрацоўнікаў спэцслужбаў называецца “здушэньнем волі да супраціву”. Магчыма, што бадзёры маналагіст, выпускнік гістфака, такім чынам пачынае сваю кар’ерку рэжымнага агітатара. Што называецца, “далеко пойдёт товарішч”.

Ня хочацца палемізаваць з апалогіяй брыдоты. Зазначым толькі адно. Калі маладыя беларусы раптам паслухаюць гэтакіх падсадных гукальшчыкаў, то іх лёгка загоняць у маскоўскі канцлягер. І ісьці яны туды будуць усе спрэс у “вышыванках”. Важна не дапусьціць гэтага.

Сяргей Камароўскі

2/5/2015 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: