Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
25 траўня белрэдакцыя Радыё Свабода ў чарговы раз піярыла генсека «Галіхфэ» (псэўда-БНФ) тав. А. Янукевіча, а таксама таварышаў С. Калякіна і А. Лебедько. У тытул піяра была выведзена сэнтэнцыя ад «Галіхвэ», цытуем: Янукевіч: “Сёньня заклікаць на Плошчу – гэта гапонаўшчына”. Крыніца: http://www.svaboda.org/content/article/27035170.html Адразу пасьля “сэнтэнцыі” белрэдакцыя напісала ад сябе: “Ніхто з патэнцыйных удзельнікаў выбараў прэзыдэнта Беларусі не гатовы заклікаць людзей на пасьлявыбарчы пратэст”. (Канец цытаваньня). Здавалася б, вось і добра. Пасьля таго, як згаданыя таварышы ў 2010 годзе звадзілі беларусаў спачатку на фальшывыя дыктатарскія “выбары”, а потым пад удар паліцэйшчыны на плошчу перад ЦВК, яны паразумнелі, мабыць. Але давайце разьбярэмся. “Паразумнеўшыя” разумеюць, што выбараў пад дыктатурай няма. Але яны (“дзіўным” чынам) усяроўна заклікаюць “ісьці на выбары”, запісваюцца ў кандыдаты, ствараюць каманды, атрымліваюць грошы з захаду і ўсходу на “справядлівыя выбары”. І яшчэ, белрэдакцыя РС вынесла з размовы з таварышамі адно абагульненьне. Усе яны “не гатовыя заклікаць людзей на пасьлявыбарчы пратэст”. Гэта значыць, што ўжо цяпер таварышы ведаюць, што “выбары” будуць фальшывыя і пасьлявыбарчы пратэст абавязкава будзе нечым лагічным. Але на пратэст яны “не гатовыя”. Сапраўдныя патрыятычныя палітыкі адмовіліся б ужо цяпер ад удзелу ў фальшывым шоў дыктатуры. Але, калі палітыкі несапраўдныя і небеларускія, а падстаўныя і падрэжымныя, то як патрабаваць ад іх такіх дзеяньняў? Функцыя ў іх зусім іншая. Павел Гулевіч 29/5/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
